Matgæðingar í tbl 27 - Heimagerðar kjötbollur og djöflakaka
Matgæðingar vikunnar í tbl 27, 2022, voru Freyja Fannberg Þórsdóttir og Páll Ísak Lárusson og búa þau á Ytra-Skörðugili 1. Þau hafa búið í Skagafirði í rúm tvö ár en í ágúst, í fyrra, fluttu þau í nýja húsið sitt.
„Þau eru bæði útivinnandi og hafa mikinn áhuga á búskap. Þau kynntust í landbúnaðarháskólanum á Hvanneyri og í komandi framtíð langar þau að vera með eigin búskap ásamt því að Freyja stefnir á dýralæknanám. Páll Ísak er úr Skagafirðinum en Freyja er af Snæfellsnesi og ætla þau að bjóða upp á tvær góðar uppskriftir sem slá alltaf í gegn hjá Freyju. Páll er hinsvegar mjög góður við grillið.
AÐALRÉTTUR
Heimagerðar kjötbollur
1 pakki hakk
1 egg
Ritzkex – hálfur pakki
½ piparostur
Ítalskt pastakrydd
2-3 matskeiðar salt og pipar
hvítlauksrif
rjómi
1 stk nautakjötskraftur
Aðferð: Öll hráefnin eru sett í skál og hnoðað vel saman. Piparosturinn er rifin og Ritzkexið brotið niður í litla búta. Gott að nota hrærivél en best að
hnoða allt með höndunum. Þegar allt er orðið vel blandað saman eru gerðar litlar kúlur sem steiktar eru á pönnu upp úr smjöri. Passa að steikja kjötbollurnar þannig þær lokist vel á öllum hliðum. Rjómanum er bætt á pönnuna og nautakjötskraftur settur út í. Piparostur rifinn niður út í sósuna. Látið allt malla saman í um fimm mínútur. Okkur finnst gott að hafa ofnbakaðar kartöflur og ferskt salat með.
EFTIRRÉTTUR
Djöflakaka
250 g smjör
300 g sykur
300 g púðusykur
4 egg
520 g hveiti
80 g kakó
2 tsk. Lyftiduft
2 tsk. matarsódi
1 tsk. salt
4 dl mjólk
Aðferð: Smjör, sykur og púðursykur sett í skál og blandað vel saman. Eggin sett eitt og eitt í einu og hrært vel á milli. Þurrefnum er blandað saman í skál og bætt út í blönduna ásamt mjólkinni. Passa að hræra allt vel saman. Ofninn er settur á 180°C blástur. Kakan er um 45 mínútur að bakast.
Krem:
½ bolli flórsykur
500 g smjör
100 g kakó
50 g kaffi
Aðferð: Tæplega hálfum bolla af flórsykri og smjöri hrært vel saman og kaffinu bætt út í ásamt kakóinu. Kremið þarf að þeytast í um 10 mín. Hægt að bæta við smá vatni ef kremið er of þykkt.
Verði ykkur að góðu!
Freyja og Páll skoruðu á Viktoríu Eik Elvarsdóttur á Syðra-Skörðugili.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.