Matgæðingur í viku 13 - Tælenskur chilikjúklingur og sænsk kladdkaka

Kristrún Ósk og Arnar Skúli Atlason ásamt börnunum þremur; Arnari Smára, Atla Skúla og Erlu Lár. MYND AÐSEND
Kristrún Ósk og Arnar Skúli Atlason ásamt börnunum þremur; Arnari Smára, Atla Skúla og Erlu Lár. MYND AÐSEND

Matgæðingur vikunnar í tbl 13 í ár var Kristrún Ósk Sigurðardóttir en hún fékk áskorun frá Völu Frímannsdóttur. Kristrún er þjónustufulltrúi í Vörumiðlun á Sauðárkróki og er gift Arnari Skúla Atlasyni þjónustufulltrúa hjá VÍS. Kristrún og Arnar eiga þrjú börn, tvíburana Arnar Smára og Atla Skúla og Erlu Lár. 

AÐALRÉTTUR
Tælenskur chilikjúklingur
    2 msk. smjör
    8 úrbeinuð kjúklingalæri
    35 g salthnetur, saxaðar
    2 msk. saxað kóríander

Sósan:
    60 ml sweet chilisósa (t.d frá Blue Dragon)
    2 msk. soya sósa
    4 hvítlauksrif , pressuð
    1 msk. fiskisósa (t.d frá Blue Dragon )
    1 msk. engifer rifið
    safi úr 1 lime
    1 tsk. chili mauk

Aðferð: Hrærið öllum hráefnunum fyrir sósuna saman og takið til hliðar. Bræðið smjörið á pönnu og steikið kjúklinginn á báðum hliðum í 2-3 mín. Hellið þá chilisósunni saman við. Hellið öllu af pönnunni í eldfast mót og setjið inn í 165°C heitan ofn í 30 mín. Setjið á grill í lokin í 2-3 mín. Berið fram með söxuðu kóríander, salthnetum, hrísgrjónum og fersku salati.

 

Myndir teknar af hun.is og ljúfmeti.is

EFTIRRÉTTUR
Sænsk kladdkaka
    100 g smjör
    2 og 1/2 dl sykur
    2 egg
    1 dl hveiti
    3 msk. kakó
    1 tsk. vanillusykur

Aðferð: Bræða smjör í potti og kæla. Þeyta smjör og sykur saman. Bæta eggjum út í. Svo kakó, hveiti og vanillusykri. Baka í ofni á 175- 200°C í 15 mínútur (styttra og lægri hiti ef það er blástur).

Krem:
    1 poki Dumle karamellur
    1/2 plata suðusúkkulaði skvetta af rjóma

Aðferð: Brætt saman í potti og sett yfir kökuna þegar hún er orðin köld. Ég ber hana alltaf fram með vanilluís, jarðarberjum og Marssósu.

Verði ykkur að góðu!

Kristrún skoraði á Ívar Sigurðsson stórmeistara frá Páfastöðum að taka við matgæðingaþætti Feykis.

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir