Matgæðingur vikunnar - Kjúklingasúpa og brauðbollur með fetaosti
Matgæðingur vikunnar er Halla Rut Stefánsdóttir en hún er dóttir hjónanna Margrétar Guðbrandsdóttur og Stefáns Gíslasonar. Halla ólst upp í Varmahlíð en er búsett á Hofsósi í dag en þar starfar hún sem prestur í Hofsóss- og Hólaprestakalli. Halla gefur hér með uppskrift af súpu sem hún gerir oft og finnst alltaf jafn góð.
MEÐLÆTI
Brauðbollur með fetaosti
625 ml volgt vatn
1 bréf þurrger
2 msk. sykur
2 tsk. salt
1 kg hveiti
2 krukkur fetaostur í olíu
Aðferð: Vatn, þurrger, sykur og salt sett í skál og hrært aðeins í og látið standa í smá stund. Því næst er hveitið sett út í og hrært í smá stund. Fetaostinum er svo bætt við og er olíunni hellt af að mestu. Leggið klút eða selló yfir hrærivélaskálina og látið lyfta sér í 30 mínútur. Næst er að móta bollur og setja á bökunarpappír, þetta er svo látið lyfta sér í um 20 mínútur. Pískið eitt egg og penslið yfir bollurnar. Það ættu að nást u.þ.b. 18 stk af bollum úr uppskriftinni. Setjið í ofn á 190°C og bakið í 25 mínútur.
AÐALRÉTTUR
Kjúklingasúpa
1 paprika
1-2 laukar
3 hvítlauksrif
3 gulrætur
1 msk. engifer, rifið
2 -3 msk. rautt karrýmauk
2 dósir kókosmjólk
750 ml vatn
3 teningar kjúklingakraftur
2 msk. fiskisósa
2 msk. púðusykur
2 msk. hnetusmjör
3 kjúklingabringur, skornar í teninga og steiktar á pönnu
1 límóna
Aðferð: Léttsteikið lauk, hvítlauk, papriku og gulrætur og bætið engifer saman við. Bætið svo við rauðu karrý, vatni, kókosmjólk, kjúklingakrafti, fiskisósu, púðursykri og hnetusmjöri. Hrærið og leyfið súpunni að malla við lágan hita í u.þ.b. 30 mín.+. Kjúklingabringur skornar í bita og steiktar á pönnu, gott að setja hvítlauk á pönnuna og salta og pipra. Kjúklingnum bætt við í lokin. Kreistið safa úr límónu út í súpuna. Áður en súpan er borin fram, setjið þá kóríander saman við og saxaðar salthnetur yfir.
Verði ykkur að góðu!
Halla skorar á vinkonu sína Júlíu Þórunni Jónsdóttur að mæta til leiks sem matgæðingur með sprúðlandi spennandi uppskriftir fyrir lesendur Feykis.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.