Ofnbakaður fiskréttur og krukkugotterí

feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 05.02.2022 kl. 10.00 siggag@nyprent.is

Það er alltof sjaldan sem við borðum fisk á mínu heimili og ákvað ég því að koma með einn mjög góðan sem allir borða, allavega í mínum húsum. Þá fann ég einn girnilegan eftirrétt sem mig langar til að prufa um helgina, nema ég skipti út namminu í Daim því mér þykir það svo agalega gott. Báðar þessar uppskriftir og myndir koma af heimasíðunni gerumdaginngirnilegan.is 

AÐALRÉTTUR
Ofnbökuð langa

    600 g langa (einnig gott að nota t.d. þorsk eða ýsu)
    ólífuolía
    250 g sveppir
    1 dl blaðlaukur, smátt saxaður
    ½ -1 dl hvítvín
    1-2 hvítlauksrif, pressað eða rifið
    200 g sólþurrkaðir tómatar, skornir í strimla
    1 hreinn Philadelphia rjómaostur
    2 dl rjómi
    1 dl parmigiano reggiano
    1-2 msk. ferskt dill, smátt skorið
    salt & pipar
    100 g spínat
    1 dl mozzarella ostur 6 dl mulið snakk)

Aðferð: Byrjið á því að skera lönguna í bita og kryddið með salti og pipar. Skerið sveppi og blaðlauk smátt og steikið upp úr ólífuolíu. Bætið hvítvíninu saman við og hrærið. Hrærið hvítlauknum, sólþurrkuðu tómötunum, rjómaostinum, rjómanum og parmigiano reggiani út í. Kryddið með fersku dilli, salti og pipar. Í lokin blandið þið spínatinu saman við og hrærið. Leggið löngubitana í eldfast mót og blandið saman við sósuna. Dreifið rifnum osti yfir. Myljið snakkið í matvinnsluvél eða setjið í lokaðan poka og rúllið yfir það með kökukefli og dreifið yfir réttinn. Bakið í 18 - 20 mínútur við 190°C eða þar til fiskurinn er eldaður í gegn. Gott að bera þetta fram með kartöflubátum eða hrísgrjónum.


EFTIRRÉTTUR
Marengs í krukku með Daim

    1 marengsbotn
    4 dl þeyttur rjómi
    ½ Daim súkkulaðipoki
    3 msk. rjómi
    smátt skorin jarðarber eftir smekk
    1-2 ástríðuávextir
    fræ úr ½ granatepli

Aðferð: Byrjið á því að bræða Daim súkkulaðið í potti ásamt 3 msk. rjóma við vægan hita og kælið. Saxið smá af súkkulaðinu áður til að skreyta með. Ef blandan er of þykk þá er gott að bæta smá rjóma saman við. Þeytið rjómann. Brjótið marengsinn í litla bita og dreifið í botninn í krukku eða glasi. Því næst setjið þið þeyttan rjóma, ber, granateplafræin, ástríðuávextina og svo hellið þið bræddu Daim súkkulaði. Þetta endurtakið þið aftur og endið svo á því að skreyta með saxaða Daim súkkulaðinu.


Verði ykkur að góðu!

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Atli Freyr ásamt nokkrum efnilegum ungum golfurum. MYND AÐSEND

    Rabb-a-babb 225: Atli Freyr

    feykir.is Skagafjörður, Rabb-a-babb 25.04.2024 kl. 09.11 oli@feykir.is
    Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.
    Meira

  • Sumardagurinn fyrsti á Hvammstanga

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50 gunnhildur@feykir.is
    Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.
    Meira
  • Kvennakórinn Sóldís.MYND BRÍET GUÐMUNDSDÓTTIR

    Sóldísir í Gránu

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32 gunnhildur@feykir.is
    Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.
    Meira
  • Jón Oddur kampakátur með sigurlaunin. MYND: PKS

    Jón Oddur sigraði A-deild á lokamóti Kaffi Króks mótaraðarinnar

    feykir.is Skagafjörður, Íþróttir 24.04.2024 kl. 11.00 oli@feykir.is
    Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.
    Meira

  • Karlakórinn Lóuþrælar syngja inn vorið

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57 gunnhildur@feykir.is
    Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.
    Meira
Yfirlit frétta