rabb-a-babb 70: Gunni Gests
Nafn: Gunnar Þór Gestsson.
Árgangur: 1971.
Fjölskylduhagir: Giftur Guðnýju, eigum þrjár dætur.
Starf / nám: Þróunarstjóri hjá Skýrr / Háskólapróf í hagfræði.
Bifreið: Honda CRV.
Hestöfl: Stundum nóg.
Hvað er í deiglunni: Ferming !
Hvernig hefurðu það?
Ótrúlega gott.
Hvernig nemandi varstu?
Allt frá því að vera yndislegur í að vera óþolandi.
Hvað er eftirminnilegast frá fermingardeginum?
Þessi líka fínu hljómtæki sem fylgdu mér í mörg ár, eðal Pioneer samstæða.
Hvað ætlaðir þú að verða þegar þú yrðir stór?
Það man ég ekki maður.
Hvað hræðistu mest?
Að geta ekki gert það sem mig langar að gera.
Hver var fyrsta platan sem þú keyptir (eða besta)?
Welcome to the Pleasuredome með Frankie Goes to Hollywood.
Hvaða lag ertu líklegastur til að syngja í Kareókí?
Fjallavatnið og þá helst með Bigga Rafns.
Hverju missirðu helst ekki af í sjónvarpinu (fyrir utan fréttir)?
Match of the Day á BBC, en ég sleppi alveg fréttunum.
Besta bíómyndin?
Forrest Gump (1994), algerlega yndisleg.
Bruce Willis eða George Clooney / Angelina Jolie eða Gwyneth Paltrow?
Willis og Jolie = harkan sex.
Hvað fer helst í innkaupakörfuna sem ekki er skrifað á tossamiðann?
Orka og súkkulaði, klassískt saman.
Hvað er í morgunmatinn?
Grautur, Cheerios eða jafnvel bæði.
Uppáhalds málsháttur?
Fjarlægðin gerir fjöllin blá og langt til Húsavíkur. En þá var gott að eiga góðan bíl...
Hvaða teiknimyndapersóna höfðar mest til þín?
Calvin og Hobbes, sé sjálfan mig stundum í honum.
Hvert er snilldarverkið þitt í eldhúsinu?
Eggjakaka, og þá bara vegna þess að Guðný lætur vera að gera eggjakökur.
Hver er uppáhalds bókin þín?
Núna er það ?Law of One?, tek dellur með trompi þegar þær detta inn.
Ef þú gætir hoppað upp í flugvél og réðir hvert hún færi, þá færirðu...
Páskaeyja, reyndar ekki viss um að það sé flugvöllur þar. Kannski þarf maður að hoppa út líka.
Hvað fer mest í taugarnar á þér í fari þínu?
Kækir, stefnan á að fjarlægja þá einn í einu.
Hvað fer mest í taugarnar á þér í fari annarra?
Virðingarleysi við allt og alla.
Enski boltinn - hvaða lið og af hverju?
Arsenal. Óli Arnar sagði mér það þegar við vorum saman á Wembley.
Hvaða íþróttamanni / dómara hefurðu mestar mætur á?
Róbert Óttars, bæði íþróttamaður og dómari.
Heim í Búðardal eða Diskó Friskó?
Búðardalurinn, hitt er orðið þreytt.
Hver var mikilvægasta persóna 20. aldarinnar að þínu mati?
Albert Einstein, grunnurinn að því hvar við erum í dag.
Ef þú ættir að dvelja aleinn á eyðieyju, hvaða þrjá hluti tækirðu með þér?
Verkfæratöskuna mína, Kappgallann og mynd af fjölskyldunni.
Hvað er best í heimi?
Thule?
Fleiri fréttir
-
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira -
List á ferð / Art travels
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Listir og menning 15.04.2024 kl. 08.50Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari. Þannig höfum við betri stuðningskerfi almennt sem leiðir til betri heilsufars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.