1238 tilnefnd til Heritage in Motion verðlaunanna
Sýningin 1238 – Baráttan um Ísland sem fjallar um Sturlungaöldina og opnuð var á Sauðárkróki sumarið 2019 hefur verið tilnefnd til verðlaunanna Heritage in Motion. Árlega eru framleiðendur kvikmynda, leikja, upplifana, smáforrita og heimasíðna sem byggja á menningararfleifð Evrópu verðlaunuð en markmiðið er að vekja athygli á bestu verkefnunum sem unnin eru í stafrænni miðlun evrópsks menningararfs.
„Viðurkenning sem þessi er kærkomin og hvetur okkur til að halda ótrauð áfram á þeirri vegferð sem við erum á, og láta ekki staðar numið við Sturlungu“, segir Áskell Heiðar Ásgeirsson framkvæmdastjóri. „Í íslenskum fornsögum er dýrmætur efniviður og óþrjótandi efni til að skapa eitthvað áhugavert úr. Í tengslum við ferðaþjónustu er áhersla að aukast á það á heimsvísu að söfn og sýningar bjóði gestum fjölbreytta upplifun og þar er spennandi að nýta stafrænar lausnir. Þær munu hjálpa til við að miðla menningararfi okkar á skapandi og spennandi hátt. Sýningin okkar á Sauðárkróki er í þeim anda og getur verið fyrirmynd annarra verkefna sem byggð væru á svipuðum grunni.“
Verðlaunin, sem eru á vegum Europa Nostra og Ema - European Museum Academy verða veitt við hátíðlega athöfn á ráðstefnunni European Cultural Heritage Summit, sem fram fer 21.-24. september í Feneyjum.
Áskell Heiðar segir starfsfólk, eigendur og hönnuði sýningarinnar full af stolti yfir því að vera meðal tilnefndra til þessara virtu verðlauna. Sýningin alfarið verk íslenskra tæknimanna og þrívíddarhönnuða, og staðfesti verðlaunin hve vel staðið hefur verið að verkefninu. Hann segir jafnframt að sýningin og hennar frumlega og nýstárlega miðlun á sögu Sturlungaaldarinnar hafi hlotið frábærar viðtökur hjá gestum sýningarinnar á undanförnum tveimur árum.
/Fréttatilkynning
Fleiri fréttir
-
Fótbolti.net bikarinn fer af stað á Króknum í kvöld
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 10.17Það er fótbolti á Króknum í dag en fyrsti leikurinn í Fótbolti.net bikarnum fer í gang kl. 18 í kvöld þegar Árborg kemur í heimsókn á Sauðárkróksvöll. Lið Kormáks/Hvatar verður einnig í eldlínunni í þessari bikarkeppni neðri deildar liða en Húnvetningar heimsækja Grenivík annað kvöld.Meira -
Silver Wind mætt til Hofsóss
feykir.is Skagafjörður, Mannlíf, Lokað efni 24.06.2025 kl. 09.19Þeir sem eru að rumska á Hofsósi nú um níuleytið og kíkja út á sjóinn ættu að geta barið augum skemmtiferðaskipið Silver Wind sem lagðist við akkeri fyrir utan Hofsós kl. 8 í morgun. Í frétt á Facebook-síðu Skagafjarðarhafna segir að skipið muni heimsækja Hofsós fimm sinnum í sumar.Meira -
Myndlistin blómstrar á Höfðaströndinni
feykir.is Skagafjörður, Listir og menning, Mannlíf, Lokað efni 23.06.2025 kl. 15.40Hesturinn, stelpan og hálendið. Svo nefnist myndlistarsýning sem núna er í gangi á Listamiðstöðinni í Bæ á Höfðaströnd.Listakonan Michelle Bird, sem kemur upphaflega frá Bandaríkjunum, sýnir þar verk sín.Meira -
Súpuröltið sló rækilega í gegn á Hofsós heim
feykir.is Skagafjörður, Listir og menning, Mannlíf, Lokað efni 23.06.2025 kl. 15.03Það kom fram í viðtali vegna Hofsós heim í Feyki að gengið hefði verið frá pöntun á góðu veðri fyrir helgina. Það skilaði sér upp á tíu því veðursæld var allan tímann – aðeins hálftíma hellidemba á laugardagskvöldinu til að kæla gesti niður.Meira -
Fótboltastelpur voru í aðal hlutverki á Króknum um helgina
feykir.is Skagafjörður, Íþróttir 23.06.2025 kl. 14.25Stelpu hluti Króksmóts ÓB 2025 fór fram um helgina og tókst gríðar vel. Á Fb. Síðunni ÓB mót Tindastóls má finna eftirfarandi:Meira
