Annasamt hjá sjúkraflutningamönnum
Mikill erill var í sjúkraflutningum á Norðvesturlandi í júlí og það sem af er ágústmánuði. Er það að mestu leyti vegna fjölmargra umferðaslysa á tímabilinu, flutnings bráðveikra og annarra óhappa. Einnig hefur verið eitthvað um millistofnanaflutninga sem komið hafa til vegna lokana deilda á sjúkrastofnunum yfir sumarmánuðina.
Mikið um umferðaróhöpp í Húnaþingi vestra
Samkvæmt heimasíðu Heilbrigðisstofnunar Vesturlands voru skráð 200 útköll á átta starfsstöðum HVE. Þær starfsstöðvar eru Akranes, Borgarnes, Búðardalur, Grundarfjörður, Hólmavík, Ólafsvík, Stykkishólmur og Hvammstangi. Af þessum 200 útköllum voru 18 sjúkraflutningar frá Hvammstanga í júlímánuði.
Að sögn Gísla Björnssonar, yfirmanns sjúkraflutninga á HVE, voru þetta aðallega umferðarslys, veikindi og önnur óhöpp af ýmsu tagi. „Það hefur líka verið mjög mikið af útköllum í fyrri hluta ágústmánaðar, þar sem mikið hefur verið um umferðarslys.“ segir Gísli.
Sumarið álagstími
Einnig hefur mikið verið að gera í sjúkraflutningum í Austur Húnavatnssýslu. Í júlí voru flutningarnir 19 talsins, þar var að mestu um veikindi og slys að ræða, en millistofnanaflutningar einungis örfá tilfelli, um 2 – 3 flutningar.
Að sögn Einars Óla Fossdal, yfirmanns sjúkraflutninga á HSB, er sumarið alltaf álagstími hjá sjúkraflutingamönnum þar sem umferðarþungi eykst og þar með líkur á umferðaróhöppum. „Heilmikið álag hefur verið hjá okkur það sem af er ágúst, eða 15 flutningar. Þá hefur það gerst nokkrum sinnum að báðir sjúkrabílarnir hafa verið úti á sama tíma að sinna neyðarköllum.“
Mörg slys í Skagafirði
Engin undantekning hefur verið á önnum í sjúkraflutningum í Skagafirði. Þar voru sjúkraflutningar í júlí 35 talsins. Um er að ræða allar gerðir af sjúkraflutningum að sögn Svavars Birgissonar, talsmanns Brunavarna Skagafjarðar. Fjölmörg slys voru á svæðinu í júlí en einnig voru margir bráðveikir. Nokkuð var um millistofnanaflutninga, eða 12 – 13 tilfelli, þar sem deildir eru lokaðar vegna sumarfría og þurfa þá sjúklingar að fá þjónustu á Akureyri.
Aðspurður um hvort finna megi fyrir auknu álagi vegna sparnaðar, segir Svavar: „Það er erfitt að meta það, það koma alltaf lægðir og hæðir. Millistofnanaflutningarnir eru sennilega fleiri vegna sparnaðar en hærri slysatíðni og veikindi, eins og hefur verið í júlí, hefur náttúrulega engin áhrif þar á.“
Fleiri fréttir
-
Það er mikill uppgangur í Golfklúbbi Skagafjarðar
feykir.is Skagafjörður, Íþróttir, Lokað efni 14.07.2025 kl. 14.55Meistaramót GSS 2025 fór fram dagana 7.-12. júlí á Hlíðarendavelli. Metþátttaka var í meistaramótinu en 30% klúbbfélaga voru skráðir til leiks eða samtals 103 kylfingar. Meistaramótið er fyrir alla félagsmenn GSS, flokkar við allra hæfi. Í barna og unglingaflokkum voru 29 þátttakendur sem léku í 4 flokkum en þátttakendur í fullorðinsflokkum voru 74 sem léku í 8 flokkum.Meira -
Spænskur leikstjórnandi í kvennalið Tindastóls
feykir.is Skagafjörður, Íþróttir, Lokað efni 14.07.2025 kl. 10.42Tindastóll hefur gengið frá samningi við spænska leikstjórnandann, Alejandra Quirante, fyrir komandi tímabil í úrvalsdeild kvenna í körfuknattleik. Í tilkynningu frá körfuknattleiksdeild Tindastóls segir að Alejandra komi til liðsins með reynslu úr efstu deild á Spáni og er ætlað að leiða liðið á vellinum.Meira -
Forseti Íslands heimsækir Hóla
feykir.is Skagafjörður, Listir og menning, Mannlíf 14.07.2025 kl. 09.02Hólahátíðin verður helgina 16.-17. ágúst. Að þessu sinni verður Hólahátíð barnanna laugardaginn 16. ágúst og mun skátafélagið Eilífsbúar sjá um dagskrá fyrir börn og fjölskyldur í fögru umhverfi Hólastaðar. Farið verður í leiki og þrautir, gengið um í skóginum, söngstund í kirkjunni og grillað við Auðunarstofu. Á sunnudeginum verður að venju hátíðarmessa í Hóladómkirkju kl. 14, síðan veitingar efir messu og hátíðardagskrá í kirkjunni kl. 16:10.Meira -
Gamall refur gerði Stólunum grikk
feykir.is Skagafjörður, Íþróttir, Lokað efni 13.07.2025 kl. 22.56Stólarnir fóru helst til þunnskipaðir austur á Höfn um helgina og léku við lið Sindra. Stólarnir voru fyrir leikinn í sjötta sæti en Hornfirðingar í níunda sæti. Staða liðanna breyttist ekki en þau gerðu 2-2 jafntefli þar sem gamall markarefur og fyrrum leikmaður Tindastóls jafnaði metin á lokakaflanum.Meira -
Þrjú stig sótt á Seltjarnarnesið
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.07.2025 kl. 18.54Eftir þrjá svekkjandi tapleiki í röð gerðu liðsmenn Kormáks/Hvatar góða ferð suður á Seltjarnarnes og að leik loknum var risið á heimamönnum bæði lítið og lágt. Gestirnir áttu góðan leik í fyrri hálfleik og leiddu 1-2 ú hálfleik og í síðari hálfleik var varist með kjafti og klóm og þó Gróttverjar gerðu sitt besta til að jafna þá tókst það ekki. Lokatölur 1-2 og mikilvæg þrjú stig í hús.Meira
