Ari Jóhann kosinn formaður SHÍ
Á aðalfundi Samtaka heilbrigðiseftirlitssvæða á Íslandi, sem haldinn var 22. október var Ari Jóhann Sigurðsson, formaður heilbrigðisnefndar Norðurlands vestra, kosinn formaður samtakanna. Sigurjón Þórðarson, framkvæmdastjóri Heilbrigðiseftirlits Norðurlands vestra, var kosinn í varastjórn.
Gestur fundarins, Guðjón Bragason, gerði grein fyrir helstu málum er snerta starfsvettvang Heilbrigðiseftirlits sveitarfélaga og eru til umfjöllunar hjá Sambandi íslenskra sveitarfélaga; fráveitumál og kynnti starfshóp á vegum SÍS og ríkisins, úrgangsmál þ.á.m. urðunarskatt og svo yfir umsagnir og álit samtakanna á boðaðri reglugerð um skráningaskyldu í stað starfleyfisskyldu, auknu flækjustigi og annarra óvissuþátta sem reglugerðardrögin fela í sér og frumvarp til laga um breytingar á viðaukum laga nr. 7/1998.
Bergþór Ólason, annar gestur fundarins, gerði grein fyrir því að hagaðilar eins og heilbrigðiseftirlit sveitarfélaga fengju áheyrn í umhverfis- og samgöngunefnd Alþingis vegna málsins og taka þurfi upplýstar upplýsingar um framhaldið varandi þetta mál. Hann lagði áherslu á að breytingar á starfsumhverfi HES yrðu að vera til góðs.
Samkvæmt fundargerð tóku fjölmargir fundarmenn til máls og lýstu áhyggjum sínum af þessum breytingum,skorti á raunverulegu samráði, illa ígrunduðum breytingum og ferli við breytingarnar auk þess að ekki hafi verið tekið tillit til ábendinga fagfólks um annmarka á þessari löggjöf.
Eins og segir í inngangi fréttarinnar var Ari Jóhann Sigurðsson, formaður heilbrigðisnefndar Norðurlands vestra, kosinn formaður samtakanna en aðrir í stjórn: Hörður Þorsteinsson, framkvæmdastjóri Heilbrigðiseftirlits Hafnarfjarðar- og Kópavogssvæðis og Árný Sigurðardóttir, framkvæmdastjóri Heilbrigðiseftirlits Reykjavíkur heldur áfram í stjórn frá fyrra ári. Varamaður var kosinn Sigurjón Þórðarson, framkvæmdastjóri Heilbrigðiseftirlits Norðurlands vestra, og Líf Magneudóttir, formaður umhverfis- og heilbrigðisráðs Reykjavíkurborgar, heldur áfram frá fyrra árið. Ákveðið var að félagsgjald yrði óbreytt kr. 80.000.
Heilbrigðiseftirlit sveitarfélaga eru tíu talsins og er skipan þeirra ákveðin í lögum um hollustuhætti og mengunarvarnir, en þar segir að ekkert sveitarfélag skuli vera án heilbrigðiseftirlits. Í lögunum er kveðið á um að sveitarfélög á hverju starfssvæði skuli kjósa heilbrigðisnefnd eftir sveitarstjórnarkosningar eftir því sem fram kemur á heimasíðu SHÍ.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.