Ásmundur Einar gengur til liðs við Framsókn
Timinn.is segir frá því að Ásmundur Einar Daðason alþingismaður hefur ákveðið að ganga til liðs við Framsóknarflokkinn. Ásmundur Einar sagði á dögunum skilið við þingflokk VG og hefur síðan þá verið utan flokka.
Hér á eftir fer yfirlýsing Ásmundar Einars Daðasonar vegna inngöngu hans í Framsóknarflokkinn:
"Undirritaður hefur ákveðið að ganga til liðs við Framsóknarflokkinn. Framsókn hefur á undanförnum tveimur árum tekið mjög jákvæðum breytingum. Undir formennsku Sigmundar Davíðs Gunnlaugssonar hefur átt sér stað mikil endurnýjun og flokkurinn hefur haldið uppi skynsamlegum málflutningi á mörgum sviðum.
Sem dæmi má nefna að:
* Framsókn hefur staðið með skuldsettum heimilum og barist fyrir almennri leiðréttingu á skuldum heimila og fyrirtækja. Tillögur Framsóknar til lausnar á skuldavandanum hafa verið raunhæfar og skynsamlegar. Almenn leiðrétting skulda hefði haft mikil áhrif þegar kæmi að hagvexti og myndi hindra fólksflótta frá landinu.
* Framsókn hefur sýnt öflugan málflutning þegar kemur að málefnum landsbyggðarinnar og nýsamþykktar tillögur flokksþings Framsóknarmanna byggja auðsjáanlega á þeim grunni.
* Framsókn hefur kynnt ítarlega stefnu í atvinnumálum. Þar er að finna framsæknar lausnir sem byggja á fjölbreytileika og öflugri byggð allt í kringum landið.
* Framsókn hefur barist hart gegn löglausum kröfum Breta, Hollendinga og ESB í Icesave málinu. Með því sýndi flokkurinn mikla stefnufestu og stóð með meirihluta þjóðarinnar frá fyrsta degi.
* Framsókn breytti á síðasta flokksþingi stefnu sinni í Evrópumálum og leggst nú alfarið gegn aðild Íslands að ESB og því aðlögunarferli sem þar er í gangi. Með þessu steig flokkurinn mikilvægt skref. Í ljósi stefnufestu í öðrum málum er ljóst að Framsókn mun á næstunni gegna forystuhlutverki í baráttunni gegn ESB aðild Íslands.
Þær áherslur sem nefndar eru hér að ofan eru í fullu samræmi við yfirlýsingar og loforð sem undirritaður gaf kjósendum í aðdraganda síðustu alþingiskosninga.
Í ljósi ofanritaðs og fleiri þátta hefur undirritaður ákveðið að ganga til liðs við Framsóknarflokkinn."
Ásmundur Einar Daðason alþingismaður
Fleiri fréttir
-
Arkís arkitektar urðu fyrir valinu með hönnun á menningarhúsi á Króknum
feykir.is Skagafjörður, Listir og menning, Lokað efni 16.07.2025 kl. 16.57Á fundi byggðarráðs Skagafjarðar í morgun var lagt fram bréf frá matsnefnd sem fór yfir tillögur þeirra bjóðenda sem tóku þátt í útboðinu „Menningarhús í Skagafirði – Hönnun nýbyggingar og endurbóta á eldra húsnæði“ ásamt yfirliti yfir mat á tillögum bjóðenda. Tillaga matsnefndar var að á grundvelli matsins verði gengið til samninga við Arkís arkitekta ehf., sem hlaut flest stig m.t.t. valforsendna útboðs fyrir verðtilboð og gæðaþætti.Meira -
Það er örugglega allt þokunni að þakka
feykir.is Skagafjörður, Austur-Húnavatnssýsla, Vestur-Húnavatnssýsla 16.07.2025 kl. 14.39Í fréttum í vikunni var sagt frá því að varað væri við bikblæðingum um land allt. Þegar umferðarkort Vegagerðarinnar er skoðið þá lítur út fyrir, í það minnsta í dag, að engar bikblæðingar geri ökuþórum lífið leitt á Norðurlandi vestra. Eingöngu er varað við steinkasti í Blönduhlíðinni í Skagafirði en þar hefur verið unnið að því að leggja klæðingu á smá kafla á þjóðvegi 1.Meira -
Húnavaka, gleði og fjör
feykir.is Austur-Húnavatnssýsla, Mannlíf, Lokað efni 16.07.2025 kl. 14.20Hin árlega Húnavaka verður haldin á Blönduósi um næstu helgi. Mikið verður um dýrðir og margt í boði. Feykir hafði samband við Kristínu Ingibjörgu Lárusdóttur, Menningar- og tómstundarfulltrúa á Blönduósi og lagði fyrir hana nokkrar spurningar.Meira -
Eldur í Húnaþingi mun loga 22. til 27. júlí
feykir.is Vestur-Húnavatnssýsla, Mannlíf, Lokað efni 16.07.2025 kl. 12.00Eldur í Húnaþingi er árleg hátíð á Hvammstanga sem hóf göngu sína árið 2003. Hátíðin hefur tekið mörgum breytingum frá því hún var fyrst haldin. Fyrst um sinn var hátíðin unglistahátíð. Þá var hún bæði skipulögð og framkvæmd af ungi fólki í Húnaþingi vestra. Með tímanum fékk hátíðin á sig fjölskyldu- og bæjarhátíðarblæ og hefur dagskráin verið breytileg með ári hverju en hún ræðst oftar en ekki af áhugasviði stjórnenda.Meira -
Stólarnir spila í Bikarkeppninni í kvöld
feykir.is Skagafjörður, Íþróttir, Lokað efni 16.07.2025 kl. 11.0816 liða úrslit í Fótbolti.net bikarnum! Norð-vesturliðin verða vonandi á skotskónum.Meira
