Benedikt og Sara syntu Grettissund
Sjósundkapparnir, Benedikt S. Lafleur og Sarah-Jane Emily Caird syntu svokallað Grettissund laugardaginn 15.ágúst sl. Lagt var af stað kl. 12.15 frá Uppgönguvík og komið í land á diskinum á Reykjarströnd og við Grettislaug, þar sem sundgarpar yljuðu sér eftir sundið.
Sarah-Jane er hraðari sundkona en Benedikt og synti vegalengdina á tæpum 3klst. Benedikt synti á 3 klst og 25 mínútum. Hann misreiknaði örlítið lendingarstað og bar af leið og lenti í vandræðum með lendingu, sem gekk þó að lokum vel en seinkaði ferðinni.
Fylgdarlið í bát var Þorvaldur Steingrímsson, kapteinn um borð, en Runólfur Óskar Steinsson var honum til aðstoðar og Kristján Örn Kristjánsson, einnig ötull sjósundkappi sem hyggst einnig reyna við Drangeyjar- eða Grettissundið, hvatti sundgarpa óspart áfram og leiðbeindi ásamt hinum.
Aðrir komu sjósundköppum til aðstoðar við lendingu og tóku vel á móti þeim í heita pottinum með kaffi og bakkelsi, það voru þau: Hólmfríður Runólfsdóttir, Steinn Ástvaldsson, Þorbjörg Ágústsdóttir og Stefán Reynisson.
Grettissundið er meira krefjandi en Drangeyjarsundið, þar sem það er um átta hundruð metrum lengra, eða 7.5 km, en Drangeyjarsundið er 6.7 km. Talið er að Grettir hafi synt frá þeim stað sem nú nefnist Uppgönguvík, enda til forna nánast eini staðurinn sem hægt var að fara upp í eða úr eyjunni. Sarah-Jane er fyrsta konan til að synda Grettissund.
Fleiri fréttir
-
Addi Ólafs og Kolbeinn Tumi tryggðu Stólunum sigur á Ólafsfirði
feykir.is Skagafjörður, Íþróttir, Lokað efni 21.08.2025 kl. 10.19Tindastólsmenn gerðu góða ferð á Ólafsfjörð í gærkvöldi og hirtu öll stigin í sjö marka spennutrylli. Stólarnir héldu nokkuð þunnskipaðir á Tröllaskagann en þrír af fjórum erlendum leikmönnum liðsins voru ekki með; tveir voru í banni og einn meiddur. Tvívegis lentu Stólarnir tveimur mörkum undir en það dugði að skora þrjú síðustu mörk leiksins til að krækja í stigin. Lokatölur 3-4 og Stólarnir príluðu á ný upp í efri hluta 3. deildar.Meira -
Forvitnilegt myndskeið frá heimsókn Kristjáns Eldjárns til Skagafjarðar fyrir 56 árum
feykir.is Skagafjörður, Mannlíf, Lokað efni 21.08.2025 kl. 08.39Kvikmyndasafn Íslands hefur sett inn mikið efni eftir Vigfús Sigurgeirsson á vef sinn islandafilmu.is. Feyki barst ábending frá safninu um myndskeið frá opinberri heimsókn forsetahjónanna Kristjárns og Halldóru Eldjárns á Norðurlandi í ágúst árið 1969. Það er örugglega gaman fyrir fólk fætt fyrir og um 1960 að vita hvort það þekkir ekki einhver þeirra mýmörgu andlita sem ber fyrir sjónir.Meira -
Sjáumst, skokkum og skálum!
feykir.is Skagafjörður, Mannlíf, Lokað efni 21.08.2025 kl. 08.05„Náðir þú ekki að nota sumarkjólinn eða hlaupaskóna eins oft og þú stefndir að í sumar? Engar áhyggjur, núna skellir þú þér bara í kjólinn og reimar á þig hlaupaskóna og hittir okkur á pallinum við Sauðá kl. 15 á laugardaginn 23. ágúst...“ Þannig hefst kynning á þeim ágæta viðburði Sumarkjóla- og búbbluhlaup á Króknum sem dömurnar í 550 rammvilltum standa fyrir í samstarfi við veitingastaðinn Sauðá. Ein rammvillt, Vala Margeirs, svaraði nokkrum spurningum Feykis.Meira -
Skagfirðingurinn Almar Orri í íslenska hópinn
feykir.is Skagafjörður, Íþróttir, Lokað efni 20.08.2025 kl. 16.48Breyting hefur verið gerð á landsliðshópi Íslands sem er á leið á EuroBasket í Póllandi þar sem reynsluboltinn öflugi, Haukur Helgi Pálsson, þurfti að druga sig út úr hópnum sökum meiðsla. Í hans stað kemur Vesturbæingurinn skagfirski, Almar Orri Atlason, sem margir vildu reyndar sjá í tólf manna hópnum hjá Craig Pedersen.Meira -
Ástand Svínvetningabrautar engan veginn ásættanlegt
feykir.is Austur-Húnavatnssýsla, Lokað efni 20.08.2025 kl. 16.00Ástand Svínvetningabrautar, á vegakaflanum frá Stóra Búrfelli að veginum fram í Blöndudal að vestan verðu, er ekki gott. Í frétt í Húnahorninu, þar sem vitnað er í fundargerð byggðarráðs Húnabyggðar, segir að nokkrir aðilar hafi kvartað undan skemmdum á bílum og að vegurinn sé engan veginn ásættanlegur.Meira
