Bíll sat fastur á nýlögðu grasinu
Vegfarendum á Sauðárkróki sem leið áttu um Skagfirðingabraut í morgun neðan Ártúns brá heldur í brún er þeir sáu bifreið sem sat kirfilega föst á nýtyrfðri grasflöt meðfram gangstétt sem lögð var fyrr í haust. Er engu líkara en þarna hafi einbeittur brotavilji ráðið för.
Greinilega má sjá að bílnum hefur verið ekið af götunni út á grasið og upp á gangstétt og reynt að koma honum aftur yfir grasið og upp á götuna á ný en ekki tekist þar sem hann hefur spólað sig niður í jarðveginn. Miklar rigningar í haust hafa gert jarðveginn gegnsósa og gljúpan og varla fær gangandi fólki hvað þá bílum.
Mikill kurr er í íbúum Sauðárkróks eftir þennan atburð þar sem lengi hefur verið beðið eftir úrbótum á svæðinu með lagningu grassins og göngustígsins. Að sögn Gunnars Péturssonar verkstjóra er þetta ekki í fyrsta sinn sem bílar fara út á grasið með þeim afleiðingum að skemmdir hljótist af með tilheyrandi kostnaði viðgerða.
Eins og sjá má á eftirfarandi myndum er svæðið illa farið og mikil vinna bíður þeirra sem munu lagfæra það.
Fleiri fréttir
-
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira -
Kjarnorkuákvæðið virkjað
feykir.is Stjórnmál, Fréttir 11.07.2025 kl. 13.15Þórunn Sveinbjarnardóttir þingforseti beitti, í upphafi þingfundar í dag, 71. grein þingskaparlaga og lagði þar með til atkvæðagreiðslu tillögu um að stöðva um frumvarpið en kjarnorkuákvæðinu, eins og það er oft kallað, hefur ekki verið beitt síðan 1959. Tillagan var samþykkt með 34 atkvæðum gegn 20 atkvæðum.Meira -
Burðarþol íslenska hestsins rannsakað
feykir.is Skagafjörður, Hestar, Lokað efni 11.07.2025 kl. 11.08Burðargeta hesta er málefni sem er mikið rætt í hestaheiminum. Mjög margir hafa sínar skoðanir, en rannsóknir sem undirbyggja þekkingu á burðargetu hesta eru takmakaðar og nauðsyn að afla hennar á markvissan hátt. Íslenski hesturinn er vinsælt hestakyn um allan heim, hann er eftirsóttur sem reiðhestur og keppnishestur og er mikið notaður af hestaferðaþjónustu-fyrirtækjum og í reiðskólum. Þekking á því hvernig líkamsbygging hans tengist burðargetu er afar mikilvæg, bæði hvað varðar afkastagetu á gangtegundum og velferð hesta.Meira -
Höfðingi heimsóttur á Löngumýri
feykir.is Skagafjörður, Mannlíf, Lokað efni 10.07.2025 kl. 15.39Blaðamaður Feykis kom á Löngumýri á dögunum í fréttaleit. Þar rakst hann á bráðmyndarlegan mann og tók hann tali. Það kemur í ljós að maðurinn heitir Harladur Jójannsson, 96 ára Grímseynngur og sex mánuðum betur.Meira
