BioPol, Iceprotein og FISK Seafood hljóta styrki frá AVS rannsóknasjóði
Sjávarútvegs- og landbúnaðarráðherra hefur samþykkt tillögu úthlutunarnefndar AVS rannsóknasjóðs í sjávarútvegi um úthlutun þessa árs. Á meðal styrkþega eru sjávarlíftæknisetrið BioPol ehf á Skagaströnd, líftæknifyrirtækið Iceprotein ehf og útgerðar- og fiskvinnslufyrirtækið FISK Seafood hf. Sauðárkróki.
Í fréttatilkynningu frá AVS rannsóknarsjóði segir að styrkirnir skiptist í fimm styrktarflokka. Þeir eru fiskeldi, markaðir, líftækni, veiðar og vinnsla og atvinnuþróun og nýsköpun í sjávarbyggðum.
Alls voru veittir 40 styrkir upp á tæplega 222 milljónir. Þeir skiptast á eftirfarandi hátt á milli styrktarflokkana:
- Fiskeldi 8 styrkir 62.136 þús. kr.
- Markaðir 5 styrkir 25.500 þús. kr.
- Líftækni 12 styrkir 75.850 þús. kr.
- Veiðar og vinnsla 11 styrkir 51.315 þús. kr.
- Atvinnuþróun og nýs. 4 styrkir 7.000 þús. kr.
Styrkirnir sem fóru til BioPols og Iceproteins voru á sviði líftækni en FISK Seafoods á sviði veiða og vinnslu, alls fengu fyrirtækin 17.330 þús.kr.
- BioPol ehf. Halldór Gunnar Ólafsson – Glycosaminoglycan pruduction from lumpfish – 4.550 þús.kr.
- Iceprotein ehf. Hólmfríður Sveinsdóttir – Athuganir á mettandi virkni þorskprótein hýdrólysata – 7.200 þús.kr.
- FISK Seafood hf Gunnlaugur Sighvatsson – Geymsluþol léttsaltaðra flaka í frosti – 5.580 þús.kr.
Skrá yfir styrkþega og styrki má nálgast á heimasíðu sjóðsins.
Loks segir í tilkynningunni að AVS rannsóknasjóður í sjávarútvegi sé samkeppnissjóður fjármagnaður af fjárlögum hvers árs og eru umsóknir metnar af faghópum sérfræðinga og mat þeirra liggur alfarið til grundvallar úthlutun.
AVS rannsóknasjóður í sjávarútvegi var um næst síðustu áramót færður til Byggðastofnunar, Ártorgi 1 á Sauðárkróki. Formaður úthlutunarnefndar sjóðsins er Lárus Ægir Guðmundsson á Skagaströnd en aðrir í úthlutunarnefnd eru Árdís Ármann Steinþórsdóttir Reykjavík og Hólmfríður Sveinsdóttir Sauðárkróki. Starfsmaður sjóðsins er Pétur Bjarnason sjávarútvegsfræðingur.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
