Björgunarsveitin að störfum á Holtavörðuheiðinni
feykir.is
Skagafjörður, Austur-Húnavatnssýsla, Vestur-Húnavatnssýsla
13.03.2026
kl. 11.05
Frá aðgerðunum í morgun. AÐSEND
Nú í morgunsárið héldu björgunarsveitir norðan og sunnan Holtavörðuheiðar aftur á heiðina til að losa þá bíla sem þar sitja fastir eftir veðurofsa gærkvöldsins og næturinnar. Allt í allt voru 25 manns fluttir í bílum björgunarsveita niður af heiðinni í gærkvöldi, einn sem fór suður af en tuttugu og fjórir voru fluttir niður af heiðinni norðanverðri.
Ferðalangarnir fengu næturgistingu í Reykjaskóla þar sem húsráðendur opnuðu dyr sínar og komu lúnum ferðalöngum í uppbúin rúm. Það má því segja að nokkurs konar fjöldahjálparstöð hafi verið opnuð þar í gær en þetta kemur fram frá upplýsingafulltrúa björgunarsveitanna en auk þessa var þó nokkrum fjölda fólks hjálpað niður í eigin bílum í gær.
Í svokallaðri Hæðarsteinsbrekku sat fastur flutningabíll en fram hjá honum var engu farartæki fært og ljóst að hann verður ekki losaður auðveldlega.
Nú er verkefnið að flytja úr Reykjaskóla aftur bílstjóra þeirra bíla sem skildir voru eftir og koma þeim í gang og losa svo ruðningstæki Vegagerðarinnar geti opnað veginn. Alls voru skildir eftir 5 fólksbílar auk flutningabílsins sem sat fastur í Hæðarsteinsbrekku. Allir fólksbílar eru nú lausir og komnir niður af heiðinni en einn flutningabíll er enn fastur og unnið að því að losa hann en þetta kom einnig fram í tilkynningu frá björgunarsveitunum.
Holtavörðuheiði er þó enn lokuð og verður svo í það minnsta til ellefu, þá koma upplýsingar um hvort vegurinn verði opnaður þá. Vont færi eru á heiðinni og bendir Vegagerðin á hjáleið um Laxárdalsheiði og Bröttubrekku.
Fleiri fréttir
-
Miðstöð menningar og lista á Sauðárkróki – framtíðarsýn að verða að veruleika
feykir.is Skagafjörður, Aðsendar greinar, Listir og menning 13.03.2026 kl. 13.18Menningarhús á Sauðárkróki, miðstöð menningar og sviðslista, hefur verið hluti af framtíðarsýn okkar í tvo áratugi. Með samningi sem undirritaður var vorið 2023 á milli ríkisins og sveitarfélagsins er bygging Menningarhúss komin í fastan farveg og áætluð verklok í lok árs 2027.Meira -
Ég skil ekki baun! | Leiðari 10. tölublaðs Feykis
feykir.is Skagafjörður, Austur-Húnavatnssýsla, Vestur-Húnavatnssýsla 13.03.2026 kl. 12.00Það hefur eitt og annað gerst á þessum hálfa mánuði frá því ég skrifaði leiðara síðast. Þá var pínu baunað á mig hér innanhúss hjá Feyki að enn einu sinni hefði mér tekist að troða forseta Bandaríkjanna í leiðarann og því um að gera að halda því áfram.Meira -
Leikfangasaga í Bifröst
feykir.is Skagafjörður, Austur-Húnavatnssýsla, Vestur-Húnavatnssýsla 13.03.2026 kl. 10.55Nemendur 10. bekkjar í Árskóla á Sauðárkróki frumsýnd Leikfangasögu (Toy Story) í Bifröst þann 12.mars sl. fyrir fullu húsi og hlaut sýningin frábærar undirtektir frumsýningargesta.Meira -
120 ár frá fæðingu Guðmundar á Egilsá | Ólafur Hallgrímsson skrifar
feykir.is Skagafjörður, Aðsendar greinar 13.03.2026 kl. 10.14Hinn 9. desember 2025 voru liðin 120 ár frá fæðingu Guðmundar L. Friðfinnssonar, skáldbónda á Egilsá. Hann var fæddur á Egilsá 9. desember 1905, og voru foreldrar hans Friðfinnur Jóhannsson og Kristín Guðmundsdóttir. Guðmundur var búsettur á Egilsá alla ævi og stundaði þar búskap samhliða ritstörfum, sem hann sinnti jafnan í hjáverkum.Meira
