Björgunarsveitir kallaðar til leitar að sjósundmanni
Lögreglan á Sauðárkróki fékk kl: 16:00 laugardag tilkynningu frá fylgdarliði Benediks Lafleur og Söruh-Jane Emily Caird sem þá þreyttu Grettissund, um að maður væri týndur í sjónum. Var haft samband við Landsbjörgu sem ræsti út allar björgunarsveitir í nágrenninu. Leitin var síðan afturkölluð 15 mínútum síðar er fylgdarliðið hafði fundið Benedikt á ný.
-Ég upplifði mig aldrei í neinni hættu. Það sem gerðist var það að Sarah var á undan mér og þeir voru að fylgja henni eftir. Þegar þeir síðan líta aftur eftir mér hafði ég misst sundhetturnar og var því ekki sýnilegur í sjónum. Ég var þarna að synda í miklum straumum og þegar ég lendi í því þá syndi ég mikið í kafi og því er erfiðara að sjá mig í sjónum. Þeir hafa því orðið eitthvað hræddir og kallað út björgunarlið. Ég var hins vegar aldrei í neinni hættu, segir Benedikt Lafleur.
Benedikt bar örlítið af leið á sundi sínu sem varð til þess að hann náði landi um það bil 30 mínútum á eftir Söruh. -Ég kom á land á svokölluðum diski og lenti í erfiðleikum með að komast í land en ég hef gríðarlega mikla reynslu af sjósundi og leit því aldrei svo á að ég væri í hættu, segir Benedikt.
Sigurjón Þórðarson, formaður UMSS, hefur orðið reynslu af sjósundi og segir hann að spurning sé orðið um hvort ekki sé ástæða til þess að taka upp svokallaðar Ermasundsreglur hér á landi. Það er að allir sem stundi sjósund frá Drangey séu með sambærilegan búnað og að fyllsta öryggis sé gætt, meðal annars á þann hátt að einn bátur fylgi hverjum sundmanni. -Þetta er mikið hetjusund og það er tilvalið fyrir sveitarfélagið að veita þeim sem þreytir sundið eftir settum reglum viðurkenningu, svo sem hring eða hálsmen til vitnis um afrekið. Það eru allir möguleikar á því að Drangeyjarsund með þetta gamla sögu geti orðið eitt af þeim sundum sem sjósundsmenn víða um heima vilji þreyta og gæti þá orðið lyftistöng og ýtt undir jákvæða umræðu og ferðaþjónustu í héraði, segir Sigurjón
Fleiri fréttir
-
Addi Ólafs og Kolbeinn Tumi tryggðu Stólunum sigur á Ólafsfirði
feykir.is Skagafjörður, Íþróttir, Lokað efni 21.08.2025 kl. 10.19Tindastólsmenn gerðu góða ferð á Ólafsfjörð í gærkvöldi og hirtu öll stigin í sjö marka spennutrylli. Stólarnir héldu nokkuð þunnskipaðir á Tröllaskagann en þrír af fjórum erlendum leikmönnum liðsins voru ekki með; tveir voru í banni og einn meiddur. Tvívegis lentu Stólarnir tveimur mörkum undir en það dugði að skora þrjú síðustu mörk leiksins til að krækja í stigin. Lokatölur 3-4 og Stólarnir príluðu á ný upp í efri hluta 3. deildar.Meira -
Forvitnilegt myndskeið frá heimsókn Kristjáns Eldjárns til Skagafjarðar fyrir 56 árum
feykir.is Skagafjörður, Mannlíf, Lokað efni 21.08.2025 kl. 08.39Kvikmyndasafn Íslands hefur sett inn mikið efni eftir Vigfús Sigurgeirsson á vef sinn islandafilmu.is. Feyki barst ábending frá safninu um myndskeið frá opinberri heimsókn forsetahjónanna Kristjárns og Halldóru Eldjárns á Norðurlandi í ágúst árið 1969. Það er örugglega gaman fyrir fólk fætt fyrir og um 1960 að vita hvort það þekkir ekki einhver þeirra mýmörgu andlita sem ber fyrir sjónir.Meira -
Sjáumst, skokkum og skálum!
feykir.is Skagafjörður, Mannlíf, Lokað efni 21.08.2025 kl. 08.05„Náðir þú ekki að nota sumarkjólinn eða hlaupaskóna eins oft og þú stefndir að í sumar? Engar áhyggjur, núna skellir þú þér bara í kjólinn og reimar á þig hlaupaskóna og hittir okkur á pallinum við Sauðá kl. 15 á laugardaginn 23. ágúst...“ Þannig hefst kynning á þeim ágæta viðburði Sumarkjóla- og búbbluhlaup á Króknum sem dömurnar í 550 rammvilltum standa fyrir í samstarfi við veitingastaðinn Sauðá. Ein rammvillt, Vala Margeirs, svaraði nokkrum spurningum Feykis.Meira -
Skagfirðingurinn Almar Orri í íslenska hópinn
feykir.is Skagafjörður, Íþróttir, Lokað efni 20.08.2025 kl. 16.48Breyting hefur verið gerð á landsliðshópi Íslands sem er á leið á EuroBasket í Póllandi þar sem reynsluboltinn öflugi, Haukur Helgi Pálsson, þurfti að druga sig út úr hópnum sökum meiðsla. Í hans stað kemur Vesturbæingurinn skagfirski, Almar Orri Atlason, sem margir vildu reyndar sjá í tólf manna hópnum hjá Craig Pedersen.Meira -
Ástand Svínvetningabrautar engan veginn ásættanlegt
feykir.is Austur-Húnavatnssýsla, Lokað efni 20.08.2025 kl. 16.00Ástand Svínvetningabrautar, á vegakaflanum frá Stóra Búrfelli að veginum fram í Blöndudal að vestan verðu, er ekki gott. Í frétt í Húnahorninu, þar sem vitnað er í fundargerð byggðarráðs Húnabyggðar, segir að nokkrir aðilar hafi kvartað undan skemmdum á bílum og að vegurinn sé engan veginn ásættanlegur.Meira
