Bryndís Lilja Hallsdóttir ráðin sviðsstjóri fjölskyldusviðs Skagafjarðar
Staða sviðsstjóra fjölskyldusviðs Skagafjarðar var auglýst laus til umsóknar í janúar sl. Sveitarstjórn Skagafjarðar hefur nú ákveðið að ráða Bryndísi Lilju Hallsdóttur í starf sviðsstjóra fjölskyldusviðs. Alls sóttu sjö um stöðuna, þar af drógu tveir umsóknir sínar til baka.
Á heimasíðu sveitarfélagsins kemur fram að Bryndís Lilja hafi lokið MS-gráðu í mannauðsstjórnun frá Háskóla Íslands árið 2017 en meistararitgerð hennar var megindleg rannsókn sem fjallaði um starfsánægju grunnskólakennara í Skagafirði. Árið 2013 lauk Bryndís BS-námi í sálfræði, einnig frá HÍ og bætti við sig námskeiðum í viðskiptafræðideild skólans í fjármálum, rekstrarhagfræði og fjárhagsbókhaldi.
„Bryndís Lilja hefur starfað sem mannauðsstjóri Heilbrigðisstofnunar Norðurlands (HSN) sl. 4 ár og situr í fimm manna framkvæmdastjórn stofnunarinnar. Hjá HSN starfa milli 600-700 starfsmenn og hefur hún yfirumsjón með ráðningum og starfslokum, sinnir ráðgjöf við stjórnendur og starfsmenn í mannauðsmálum, hefur umsjón og ber ábyrgð á launamálum og gerð stofnanasamninga og kemur að hvers kyns starfsmannamálum.
Bryndís Lilja þekkir vel til sveitarfélagsins Skagafjarðar þar sem hún starfaði hjá sveitarfélaginu á árunum 2016-18 sem verkefnastjóri í atvinnu-, menningar- og kynningarmálum og leysti mannauðsstjóra Skagafjarðar af í fæðingarorlofi 2015-16,“ segir á skagafjordur.is.
Nöfn þeirra sem sóttu um stöðu sviðsstjóra fjölskyldusviðs eru eftirfarandi, í stafrófsröð:
- Auður Inga Ingimarsdóttir, deildarstjóri
- Bryndís Lilja Hallsdóttir, mannauðsstjóri
- Kristín Ella Guðmundsdóttir, réttindagæslumaður fatlaðs fólks
- Oddur Sigurðarson, framkvæmda-, fjármála- og þjónustustjóri
- Ólafur Jóhann Sigurðsson, starfsmaður á velferðarsviði Reykjavíkurborgar
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.