Éljagangur og norðanstrekkingur í dag
Leiðindaveður gengur nú yfir landið en það eru einkum Austfirðingar sem fá að finna fyrir því en appelsínugul veðurviðvörun er í dag fyrir Austurland og Austfirði. Gul viðvörun er fyrir Norðurland eystra en Norðurland vestra virðist ætla að sleppa betur frá þessu skoti. Á svæðinu má þó reikna með norðvestan 10-15 m/sek í dag og éljagangi eða lítilsháttar snjókomu eftir hádegi.
Það má segja að spáin fyrir vikuna sé risjótt; það hægir á vindi og bætir töluvert í til skiptis og því kannski vissara fyrir ferðalanga að skoða aðs<tæur og spár áður en lagt er í hann.
Spáð er frosti framan af vikunni en á föstudag og laugardag er spáð allt að 4 stiga hita og jafnvel slyddu eða rigningu.
Vegir á Norðurlandi vestra eru yfirleitt færir en unnið er að mokstri á leiðinni frá Sauðárkróki og yfir í Hofsós. Snjóþekja er á veginum yfir Vatnsskarð en á öðrum vegum er ýmist hálka eða hálkublettir. Snjóþekja er á Holtavörðuheiði og þar er éljagangur eins og víðast hvar á Norðurlandi vestra. Flestir vegir austan Mývatns eru aftur á móti ófærir.
Fleiri fréttir
-
Annar skellur hjá Stólunum í Lengjubikarnum
feykir.is Skagafjörður, Íþróttir, Lokað efni 02.03.2026 kl. 10.05Tindastólsmenn léku annan leik sinn í Lengjubikarnum í gærkvöldi en andstæðingarnir voru góðvinir Stóla frá Grenivík. Síðast þegar liðin mættust fóru um 25 spjöld á loft hjá dómara leiksins en að þessu sinni voru þau aðeins ellefu. Það breytti þó ekki niðurstöðunni því venju samkvæmt höfðu Magnamenn betur. Lokatölur 4-1.Meira -
Fljótlegt gúllas og kryddbrauð | Matgæðingar Feykis
feykir.is Skagafjörður, Í matinn er þetta helst, Lokað efni 02.03.2026 kl. 09.31Matgæðingarnir í tbl. 39, 2025, eru að þessu sinni Lilja Rún Bjarnadóttir og Einar Kári Magnússon. Lilja Rún er Skagfirðingur í húð og hár en Einar Kári er innfluttur. Þau fluttu í Garðhús í Skagafirði fyrir 12 árum og búa þar ásamt börnunum þeirra þrem, Baldri Frey, Andra Fannari og Heiðdísi Emblu.Meira -
Hanne Smidesang fór með sigur í slaktaumatölti Meistaradeildar KS
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 02.03.2026 kl. 08.47Keppni í slaktaumatölti í Meistaradeild KS fór fram í Svaðastaðahöllinni sl. föstudagskvöld. Hanne Smidesang sigraði á Tóni frá Hjarðartúni með einkunnina 8,38. Það var síðan lið Þúfna sem varð stigahæsta lið kvöldsins með 72 stig en að loknum tveimur mótum er lið Hrímnis/Hestakletts stigahæst í liðakeppninni með 128 stig.Meira -
Frábær liðsframmistaða Stólastúlkna í Garðabænum
feykir.is Skagafjörður, Íþróttir 01.03.2026 kl. 16.39Stólastúlkur mættu fámennar til leiks í Garðabæinn í gær þar sem þær hittu fyrir lið Stjörnunnar í þriðja skiptið í Bónus deildinni þennan veturinn. Það var hins vegar ekkert vesen á þeim átta stúlkum sem klæddust þeim rústrauða, þær voru allar klárar í slaginn og rúlluðu upp liði Stjörnunnar þegar upp var staðið. Lokatölur 66-90.Meira
