Höfrungar í hópum
Þessi höfrungavaða var að leik á Skagafirðinum í byrjun mánaðarins þegar Höskuldur Hjálmarsson á Skáley SK 32 var þar á veiðum. Að sögn Höskuldar er óvenjulegt að sjá svo marga höfrunga en líkleg ástæða sé loðnan sem þeir sækja í.
Norsku loðnuskipin hófu einmitt veiðar sínar hér við land inni og út af Skagafirðinum en undanfarið hafa tugir norskra skipa stundað loðnuveiðar á íslenskum miðum. Þá hafa mörg þeirra landað afla sínum hér og þannig fékk starfsfólk þeirra fyrirtækja sem frysta loðnu vinnu meðan á verkfalli sjómanna stóð. Í dag er hins vegar síðasti dagurinn sem norsku skipin mega veiða en eins og flestum er kunnugt eru íslensku skipin nú haldin til veiða og loðnuskipin farin að landa afla sínum.
Gaman er að geta þess að í janúarmánuði var bátur Höskuldar, Skáley SK 32, aflahæstur báta undir 8 bt, í öðru sæti var Auður HU 94 og í fimmta sæti var Ásmundur SK 123. Nánar má lesa sér til um afla báta á http://aflafrettir.is/frettir.
Að sögn Höskuldar hafa veiðar dottið niður í febrúar þar sem þroskurinn étur yfir sig af loðnunni og lítur ekki við línunni.
Höfrungar sem eltu okkur í blíðunni á Skáley SK 32 í Skagafirðinum fyrr í mánuðinum
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
