Fullt hús hjá Sögufélaginu
Vel var mætt á útgáfuteiti Skagfirðingabókar sl. laugardag sem fram fór á Mælifelli á Sauðárkróki en þá var því fagnað að 50 ár eru liðin frá því að fyrsta bókin í ritröðinni var gefin út. Jafnframt var sú nýjasta að koma út sú 37. í röðinni og var henni gerð góð skil.
Hjalti Pálsson formaður Sögufélags Skagfirðinga bauð gesti velkomna og setti hófið og kynnti félaga sinn á svið, Sölva Sveinsson, sem sagði frá upphafi Skagfirðingabókar en þá tóku þeir sig saman Kristmundur Bjarnason á Sjávarborg, Hannes Pétursson skáld og Sigurjón Björnsson sálfræðingur, og ákváðu að stofna rit sem birta skyldi greinar úr sögu og mannlífi Skagafjarðar. Það gerðu þeir upp á eigin spýtur en til hliðar við Sögufélagið.
Aðalefni nýjustu bókarinnar er um kaupmannshjónin Harald Júlíusson og Guðrúnu Bjarnadóttur, rituð af Sölva, sem sagði gestum frá vinnu sinni við samantektina og las upp úr bókinni. Einar Kristinn Guðfinnsson, fráfarandi forseti Alþingis og dóttursonur Haraldar og Guðrúnar, rifjaði upp eitt og annað frá þeim tíma er hann var hjá afa og ömmu á Sauðárkróki. Sagði hann það mikinn heiður fyrir fjölskyldu og afkomendur kaupmannshjónanna að þessi saga skyldi rata í Skagfirðingabók og þakkaði Sölva fyrir gott verk.
Skagfirðingabók er ekki seld í bókabúðum, en félagsmenn Sögufélagsins fá hana í áskrift og er andvirði bókarinnar félagsgjaldið. Þeir sem áhuga hafa að eignast bókina geta sent tölvupóst á hjaltipalsson@simnet.is og saga@skagafjordur.is eða haft samband við Hjalta Pálsson á annan hátt.
Myndir : PF.
Fleiri fréttir
-
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira -
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira -
Sjónhorn og Feykir koma út í dag
feykir.is Skagafjörður, Austur-Húnavatnssýsla, Vestur-Húnavatnssýsla 19.06.2025 kl. 09.01Feykir og Sjónhorn fara í dreifingu í dag, fimmtudaginn 19. júní, en þjóðhátíðardagurinn setti strik í reikninginn varðandi prentun og dreifingu og blöðin því að berast í hús degi síðar en vanalega. Sjónhornið var reyndar komið á netið í gær en rafræn útgáfa Feykis varð aðgengileg nú í morgun.Meira -
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira
