Glettur Andrésar Valbergs - Frumraun Inga V. í blaðamennsku á Feyki
Ingi V. Jónasson, sem hefur verið búsettur í Svíþjóð mörg undanfarin ár, starfaði á ritstjórn Feykis 1986-1987 þegar Jón Gauti Jónsson var ritstjóri. Ingi sendi Feyki nokkrar línur um skemmtilega frumraun sína í blaðamennsku. Gefum honum orðið:
,,Jón Gauti kom með töluvert af ferskum hugmyndum varðandi Feyki og þátt blaðsins sem virks miðils. Hann vildi sjá fréttir, umfjöllun og umræðu um nýsköpun í atvinnulífi og menningarlífi, samtímis sem rækta skyldi gamla og góða siði.
Frumraun mín hjá Feyki var umsjón með vísnaþætti sem nefndur var Bragamál vorið 1986. Hér skyldi tekið við tækifærisvísum, mönnum gefast kostur að kveðast á og botna fyrri parta með meiru.
Fyrsti þáttur Bragamála í umsjón Inga V.
Það voru sér í lagi tvær persónur sem til að byrja með voru mjög virkar í að koma efni í Bragamál. Fyrst skal nefna Indíönu sem bjó á Skagfirðingabraut 1. Hún kom gangandi yfir Kirkjutorgið með handskrifaðar vísur og vísuhelminga á pappírsmiðum á skrifstofu Feykis. Hin persónan var hið kunna skáld og listamaður, Skagfirðingur skýr og hreinn - Andrés Valberg. Andrés kom í það minnsta einu sinni á skrifstofu Feykis þegar hann var á ferðinni fyrir norðan. Annars hringdi hann oft og brá sér þá í ýmis gervi. Fyrst hafði Andrés Valberg samband og sendi inn vísubotn. Eins og stundarfjórðungi síðar hringdi hann síðan aftur með breyttum raddhljómi og kynnti sig sem hagyrðinginn Valnastakk og sendi inn vísubotn auk þess að koma með fyrri part til birtingar í næstu Bragamálum.
Þegar næsta blað var komið út, streymdu vísubotnarnir inn. Andrés Valberg kom náttúrulega með góðan botn að fyrriparti Valnastakks auk annarra óþekkra hagyrðinga, sem ég ekki man lengur nöfnin á. Margir þessara ágætu manna voru ákaflega einkennilegir í allri framkomu og raddblæ í síma. Þegar þessir menn höfðu síðan samband dag eftir dag og voru farnir að kveðast á, auk þess sem þeir byrjuðu að botna enn óbirta fyrri parta eftir Valnastakk, varð ég þess fullviss að hér var um einn og sama einstakling að ræða - nefnilega Andrés Valberg!
Á Feykisárunum. Mynd úr Feyki.
Ég var tvítugur þegar þetta var og tók þessa frumraun í blaðmennskunni kannski full alvarlega. Þetta varð til þess að ég veitti einum af leikpersónum Andrésar, hinum nefmælta Stefáni í Hlíð, ákúrur fyrir þennan vitleysisgang. Það leið ekki á löngu áður en Valnastakkur hringdi og varaði mig við nefndum Stefáni í Hlíð og bað mig fyrir alla muni að birta ekkert eftir það auma leirskáld! Andrés Valberg sagði Valnastakk aftur á móti lipran og hnittinn hagyrðing.
Eftir þetta heyrði ég aldrei meir frá Andrési, Stefáni í Hlíð né öðrum þeim tengdum. Valnastakkur einn hélt ótrauður áfram að senda inn efni í Bragamál.“
Áður birst í 15. tbl. Feykis 2021
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.