Gréta styður ekki tillögu vegna formgalla
Sigurjón Þórðarson lagði á sveitastjórnafundi í sveitastjórn Skagafjarðar í gær fram tillögu þar sem sveitastjórn furðar sig á að heilbrigðisráðherra hafi ekki sinnt beiðni sveitastjórnar um fund. Tillaga Sigurjóns var ekki tilbúin með hefðbundnum tveggja sólahringa fyrirvara en var tekin inn með afbrigðum og samþykkt með átta atkvæðum. Gréta Sjöfn Guðmundsdóttir sat hjá þar sem hún taldi tillöguna ekki hafa komið nógu snemma fram.
Tillaga Sigurjóns og nú sveitastjórnar er svohljóðandi; -Sveitarstjórn Skagafjarðar furðar sig á því að heilbrigðisráðherra hafi ekki enn sinnt beiðni sveitarstjórnar frá 4. október sl. um fund þar sem útskýrðar verða vafasamar forsendur stórfellds og óvægins niðurskurðar á Heilbrigðisstofnuninni á Sauðárkróki sem heimamenn hafa m.a. byggt upp með óeigingjörnu sjálfboðliðastafi og fjárframlögum. Sveitarstjórn fer fram á að ráðherra og 3. þingmaður Norðvestur kjördæmis geri rækilega grein fyrir hvernig réttlæta megi tillögur sem fela í sér að íbúum Sveitarfélagsins Skagafjarðar verði veitt svo þungt högg sem frumvarp til fjárlaga næsta árs ber með sér. Sveitarstjórn Skagafjarðar krefst þess enn og aftur að 30% viðbótarniðurskurður á Heilbrigðisstofnunina á Sauðárkróki verði dregin til baka nú þegar.
Var tillaga Sigurjóns samþykkt með átta atkvæðum. Gréta Sjöfn Guðmundsdóttir óskaði bókað að hún sæti hjá við afgreiðslu málsins gerði grein fyrir atkvæði sínu með eftirfarandi bókun.
-Ástæða þess að fundarboð sveitarstjórnar á að berast sveitarstjórnarfulltrúum tveimur sólarhringum fyrir sveitarstjórnarfundi er til þess að sveitarstjórnarfulltrúar geti kynnt sér mál og undirbúið sig fyrir fundi. Ég tel ekki rétt að vera með uppákomutillögur samþykktar með afbrigðum á sveitarstjórnarfundum.
Fleiri fréttir
-
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira -
Þurfum ekki neitt
feykir.is Skagafjörður, Listir og menning 21.07.2025 kl. 10.45Í sumar hafa Una Torfa og Hafsteinn Þráinsson, einnig þekktur sem CeaseTone, verið á músíkkölsku ferðalagi. Parið hefur marga músíkfjöruna sopið, þau hafa flakkað um landið og flutt lög í stórum sölum og litlum kirkjum, fyrir fólk á öllum aldri á blíðviðriskvöldum og í óveðri. Núna er komið að Sauðárkrókskirkju í kvöld,21 júli, kl: 20.00Meira -
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira
