Hálkublettir á Þverárfjalli og Vatnsskarði
Hægviðri er á Norðurlandi vestra í dag, bjartviðri inn til landsins, en skýjað með köflum á annesjum og Ströndum. Hiti 0 til 5 stig, en frost að 6 stigum í innsveitum í nótt. Hálkublettir eru á Þverárfjalli og Vatnsskarði en einnig eru hálkublettir víða inn til landsins.
Veðurhorfur á landinu næstu daga
Á miðvikudag:
Austlæg átt 3-8 m/s, en 8-13 syðst. Bjartviðri um landið V-vert, en skýjað að mestu A-lands og smáskúrir eða él á stöku stað. Hiti 0 til 5 stig yfir daginn, en vægt frost í innsveitum fyrir norðan.
Á fimmtudag:
Austan og norðaustan 5-13 m/s. Dálítil él eða skúrir N- og A-lands, en bjarviðri á S- og V-landi. Hiti 1 til 6 stig, mildast með S-ströndinni.
Á föstudag:
Gengur í allhvassa eða hvassa austanátt. Þurrt V-til á landinu, annars svolítil væta. Hlýnar heldur.
Á laugardag:
Stíf austan- og norðaustanátt með rigningu, talsverð úrkoma A-lands. Hiti 4 til 10 stig.
Á sunnudag:
Útlit fyrir suðaustan- og austanátt. Úrkomulítið á N-landi, annars rigning, talsverð á SA-landi. Hiti 5 til 10 stig.
Á mánudag:
Breytileg átt og rigning með köflum í flestum landshlutum. Áfram milt í veðri.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
