Höfða mál til að geta afhent Lilju Hofskirkju
Hofssókn á Hofsósi hefur höfðað mál fyrir Héraðsdómi Norðurlands vestra í þeim tilgangi að geta afhent Lilju Pálmadóttur Hofskirkju sem stendur á jörð Lilju, Hofi á Höfðaströnd.
Í frétt á vef Ríkisútvarpsins í dag segir að í stefnu sem birt var í Lögbirtingablaðinu komi fram að á aðalsafnaðarfundi í apríl á síðasta ári hafi verið gengið frá gjafabréfi þar sem félagi í eigu Lilju var afhent kirkjan. Til stóð að afhenda Lilju kirkjuna eftir fundinn en þar sem enginn þinglýstur eigandi reyndist vera að kirkjunni var ekki hægt að þinglýsa afsali.
Kirkjan á Hofi er timburkirkja, byggð á árunum 1868-70 og var hönnuður hennar Vigfús Reykdal að því er segir á vef Minjastofnunar. Kirkjan var friðuð 1. janúar 1990 samkvæmt aldursákvæði í þjóðminjalögum.
Í stefnu Hofssóknar segir að kirkjan hafi áður verið í eigu Hjálmtýs Sigurðssonar, kaupmanns í Reykjavík. Viðræður hófst árið 1914 um afhendingu hennar til safnaðarins til eignar og umráða. Afhending fór síðan fram 29. október 1915. Hefur sóknin alla tíð síðan hagnýtt eignina í safnaðarstarfi líkt og hún væri eign safnaðarins, sinnt umsjón hennar og viðhaldi og greitt af henni skatta og skyldur.
Þar sem samningurinn frá 1915 er glataður er nauðsynlegt að höfða eignardómsmál þannig að Hofssókn fái heimild til að ráða yfir og ráðstafa eigninni.
Því er skorað á alla þá sem telja sig vera eiganda eða eiga rétt til Hofskirkju að mæta á dómþing Héraðsdóms Norðurlands vestra í byrjun febrúar á næsta ári. Að öðrum kosti megi búast við því að eignardómsdómur gangi í málinu í samræmi við kröfur Hofssóknar.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
