Hofsós Heim um helgina
Bæjarhátíðin Hofsós Heim verður haldin um helgina,25. til 27. júlí, á Hofsósi.
Hátíðin hefst með útsýnisgöngu upp á Rauðhólshnjúk á föstudeginum klukkan 17:30 og það kvöld verður innig varðeldur og brekkusöngur í kvosinni með Brynjari Elefsen og Valgerði Erlings. Síðan verður pöbbastemning á Retro Mathúsi sem er nýr staður í bláa húsinu í kvosinni sem eitt sinn hýsti Veitingastofuna Sólvík. Í Höfðaborg verður Barsvar frá 23-24 sama kvöld.
Laugardagur
Á laugardeginum verður erfitt að sitja auðum höndum á Hofsósi því að nóg verður um að vera. Klukkan 11 verður prjónakaffi með Sillu Guðmunds í Höfðaborg og á sama tíma verður föndurstund fyrir börn (og fullorðna) á Þangstöðum. Klukkan 13 verður Matarkistan Skagafjörður með bændamarkað í Pakkhúsinu og þá verður einnig markaður í Höfðaborg. Hægt er að panta borð á markaðinn í Höfðaborg hjá Margréti í síma 774-7742 á litlar 1500 krónur.
Á bryggjunni á Hofsósi mun fara fram dorgveiðikeppni fyrir börn klukkan 13:30 og klukkan 14 verður fjársjóðsleit í fjörunni við Pakkhúsið. Kaldir karlar og konur geta skellt sér í sjósund með Sillu Páls klukkan 14:30 í fjörunni. Um þrjú leytið verður síðan mikið húllumhæ á skólalóðinni en þar verður boðið upp á fótboltamót, andlitsmálun, ís fyrir börnin, hoppukastala, karamelluregn og allskyns leiki.
Í Höfðaborg klukkan 17 verður boðið upp á örnámskeið í leiklist í boði Fisk Seafood fyrir alla hressa krakka og unglinga á Grunnskólaaldri. Unnið verður með ævintýri í skapandi ferli sem lýkur á lítilli leiksýningu klukkan 18:45. Gestir eru velkomnir á sýningu og Ólafur Jens leikari og leikstjóri stýrir.
Tónleikarnir Lögin hans Geira verða síðan haldnir í Höfðaborg klukkan 21 og hægt er að panta miða á þá í síma 866-0114. Miðaverðið er 3900 krónur. Að vanda verður síðan pöbba stemning á Retro Mathúsi frá 22 til 01.
Sunnudagur
Í Hofsóskirkju mun fara fram Hatha yoga klukkan 10 með Daníel Þórarinssyni. Margrét tekur niður skráningu í síma 774-7742. Frá klukkan 13 til 17 verður síðan kaffihlaðborð í Samgöngusafninu í Stóragerði og kostar það 2500 krónur á mann, frítt fyrir 12 ára og yngri í fylgd með fullorðnum.
Paddle North Iceland mun síðan bjóða upp á róður við höfnina bæði föstudag og laugardag.
Það er því í um að gera að skella sér á Hofsós um helgina, gleðjast og skemmta sér á Hofsós Heim.
Frítt er á alla viðburði á Hofsós Heim nema annað sé tekið fram.
Dagskránna má nálgast hér.
/SMH
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
