Hólafólk á Þjóðarspegli
feykir.is
Skagafjörður
26.10.2016
kl. 10.05
Hólar í Hjaltadal. Mynd: ÓAB
Þjóðarspegillinn, sem er árleg ráðstefna í félagsvísindum, fer fram á föstudaginn kemur. Starfsfólk Ferðamáladeildar Háskólans á Hólum tekur virkan þátt í þessari ráðstefnu nú sem endranær. Alls verða sjö starfsmenn og nemendur deildarinnar með innlegg á ráðstefnunni.
Guðrún Helgadóttir, Anna Vilborg Einarsdóttir, Georgette Leah Burns, Guðrún Þóra Gunnarsdóttir og Jóhanna María Elena Matthíasdóttir munu kynna rannsókn sína um félagsleg þolmörk ferðaþjónustunnar á veggspjaldi sem ber yfirskriftina Social Sustainability of Tourism. A Qualitative study. Amy Savener kynnir einnig veggspjald en það ber heitið Existential Transformation or Tourist Fantasy?
Ingibjörg Sigurðardóttir mun í fyrirlestri segja frá rannsóknum Ferðamáladeildar og samstarfsaðila hennar á og í tengslum við Landsmót hestamanna sem fram fór á Hólum nú í sumar. Er þetta fyrsta kynning á rannsókninni og frumniðurstöðum úr henni. Auk þessa munu Ingibjörg og Runólfur Smári Steinþórsson prófessor við Viðskiptafræðideild Háskóla Íslands kynna fyrstu niðurstöður úr rannsókn sinni á klasaframtakinu Hýruspori sem starfrækt var um tíma á Norðurlandi vestra. Einnig má nefna erindi Skúla Skúlasonar, prófessors við Fiskeldis- og fiskalíffræðideildina, og félaga hans: Samfélagsleg áhrif háskólastarfs á Norðurlandi. Sagt er frá þessu á vefsíðu Háskólans á Hólum.
Ráðstefnan fer fram í húsnæði Háskóla Íslands. Hún hefst kl. 9:00 og lýkur um kl. 17:00. Aðgangur er ókeypis og eru allir velkomnir. Hér má nálgast dagskrána.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
