Hús frítímans fær styrki frá Evrópu unga fólksins
Valnefnd Evrópu unga fólksins, EUF, ákvað á fundi sínum í gær að styrkja verkefnið "Peace4life" á vegum Húss frítímans í Skagafirði . Verkefnið sem stjórnað er af Ivano Tasin forstöðumanni Húss frítímans, verður á Íslandi í ágúst n.k. þar sem 40 unglingar frá fimm Evrópulöndum koma hingað til lands og vinna saman.
Markmið verkefnisins er að þróa tilfinningu unglinga gagnvart stríði og friði í heiminum í gegnum list. Hópurinn verður viku í Skagafirði þar sem leyst verða ýmis verkefni í listasmiðjum og útivist. Þá verða menningasamskipti aukin og hópkennd efld, auk þess sem tími unglinganna fer í að undirbúa sýningu sem hópurinn stendur fyrir á Menningarnótt í Reykjavík 22.ágúst.
Auk þessa verkefnis hefur Hús frítímans, Frístundasvið, fengið styrk til að vera þátttakandi í verkefninu "Local Accents-global voice" sem fram fer í Skotlandi í júlí í sumar. Þangað fara 5 unglingar auk leiðbeinanda til þátttöku ásamt jafnstórum hópum frá 3 öðrum Evrópuríkjum. Verkefnið snýst um útivist og evrópska vakningu í umhverfismálum.
Hús frítímans fékk auk þess samþykkta umsókn um að senda frá sér og taka á móti sjálfboðaliðum innan verkefnisins Evrópa unga fólksins, Youth in action. Þeir sem hafa áhuga á að gerast sjálfboðaliðar í Evrópu skulu snúa sér til starfsmanna Húss frítímans eða senda fyrirspurn á husfritimans@skagafjordur.is
Fleiri fréttir
-
Nautaþynnusalat Rósar | Matgæðingur Feykis
feykir.is Skagafjörður, Í matinn er þetta helst, Lokað efni 23.08.2025 kl. 14.43Matgæðingur vikunnar í tbl. 17 er Sigurrós Ingimarsdóttir en hún er dóttir Ingimars og Ossýjar. Sigurrós er fædd og uppalin á Króknum, bjó á Sauðárkróki til 1991 en flutti þá til Kaupmannahafnar og bjó þar í fimm ár. Þaðan lá svo leiðin í borg óttans, Reykjavík. „Í góðærinu kviknaði sú hugmynd að byggja hús á Akranesi og þangað flutti ég ásamt fjölskyldunni árið 2008.“Meira -
Sögur af hestum og mönnum: Sæmundur og Heilalausi-Brúnn
feykir.is Skagafjörður, Mannlíf, Lokað efni 23.08.2025 kl. 13.50Sæmundur á Syðstu-Grund hafði, fyrir utan að keyra vörubíl, mest gaman af því að þeysa um á sprækum hestum. Sæmi eins og hann var jafnan kallaður ræktaði hross í talsverðum mæli og voru þau mikið til komin út af merum sem hann kom með með sér frá Grófargili en þaðan var hann. Sæmi vildi hafa hrossin sín kraftmikil og lífleg. Sæmi sendi hross í tamningu til ýmsra tamningamanna í Skagafirði og þótti honum lítið til koma ef þeir gáfu þeim þá einkunn að þau væru þæg. Nei þau áttu að vera fangreist með örlítið tryllingsblik í auga.Meira -
Voru beðnar um að skila innkaupakerrunni sem fyrst í Skaffó
feykir.is Skagafjörður, Íþróttir, Mannlíf, Lokað efni 23.08.2025 kl. 11.46Nicola Hauk er einn af erlendu leikmönnum Tindastóls í Bestu deild kvenna í knattspyrnu og stendur jafnan sína plikt í vörn Tindastóls með sóma en hún segir styrkleika sína felast í að spila boltanum, skalla og að verjast maður á mann. Nikola er 22 ára gömul, fædd í Heidelberg í Þýskaland en ólst upp í smábæ í 20 mínútna fjarlægð frá Heidelberg, reyndar smábæ á þýska vísu því íbúarnir eru hátt í 16 þúsund. Hún á einn bróðir, Bernhard, en foreldrar hennar eru Monika og Egino.Meira -
Laxveiði í Blöndu stefnir í sögulegt met í leiðindum
feykir.is Austur-Húnavatnssýsla, Vestur-Húnavatnssýsla, Lokað efni 22.08.2025 kl. 15.30Huni.is segir frá: „Nú er farið að síga á seinni hlutann í laxveiðinni þetta sumarið. Eins og margoft hefur komið fram í fréttum Húnahornsins hefur laxveiði í helstu laxveiðiám Húnavatnssýslna verið léleg eða um 60% minni en í fyrraMeira -
Mælifellskirkja hundrað ára / Ólafur Hallgrímsson skrifar
feykir.is Skagafjörður, Mannlíf 22.08.2025 kl. 11.35Mælifellskirkja í Skagafirði fagnaði hundrað ára afmæli á þessu vori. Mælifell er forn kirkjustaður og prestssetur þar sem kirkja hefur líklega staðið frá árdögum kristni í landinu, helguð heilögum Nikulási. Mælifellsprestar þjónuðu annexíunni Reykjum frá siðaskiptum og frá árinu 1907 einnig Goðdölum og Ábæ í Austurdal.Meira
