Hvar er allt fallega fólkið? Jú, það er í Rabbinu...
Hvað væri Rabb-a-babb án Feykis og hvað væri Feykir án Rabb-a-babbs? Ja, þegar stórt er spurt. Lesendur Feykis sem hafa pínu gaman af að kíkja á hvað sveitungar þeirra nær og fjær eru að sýsla við geta nú lagað stöðuna í gleðibankanum því 18 nýleg Röbb voru færð inn á Feykir.is í vikunni.
Kannski hafa einhverjir vel vakandi lesendur tekið eftir að sú nýbreytni var tekin upp þegar nýjum Feyki.is var skellt á alnetið á dögunum að nú er reglan sú að regluleysi ríkir varðandi hvaða Rabb-a-babb er á forsíðunni. Og ef svo ólíkega vill til að lesandi er ekki að fíla feisið sem birtist þá þarf ekki annað en að rí-fressa og allt annar aðili lætur ásjónu sína lýsa yfir oss úr Rabb-reitnum.
Nú eru Röbbin orðin 121 talsins og er það elsta alveg síðan árið 2004 en þá var það Júrófarinn Stjáni Gísla sem hóf þessa vegferð á Skagafjörður.com. Lesendur verða því að hafa það í huga að sum Röbbin eru komin til ára sinna og aðstæður og þroski þeirra sem svöruðu mögulega á allt öðru plani í dag en þegar svörin voru gefin. Svarendur hafa til dæmis kannski flutt, bæst hefur í barnaskara og kannski tæki fólk allt aðra hluti með sér á eyðieyju í dag en það gerði fyrir fimm árum. Til þess að forðast leiðan misskilning er því upplagt að skoða dagsetningu á birtingu hvers Rabbs sem er svona um það bil nákvæm.
Þeir sem nenna ekki að rífressa í allan dag til að finna eitthvað ákveðið Rabb-a-babb geta sparað sér tíma með því að smella á línurnar þrjár á græna borðanum efst en þar má finna nokkra gamla góða þætti frá fyrri tímum eins og t.d. Dreifarann, Hina brottflognu, Matgæðinga og að sjálfsögðu Rabb-a-babb. Ef smellt er á Rabb-a-babb þá kemur upp listi í tímaröð, nýjustu Röbbin fyrst og síðan koll af kolli.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
