Íbúar hvattir til að koma áherslum og sjónarmiðum sínum á framfæri
Á fundi sveitarstjórnar Sveitarfélagsins Skagafjarðar þann 26. nóvemer var undir 54. dagskrárlið fyrri umræða fjárhagsáætlunar. Var hún samþykkt og vísað aftur til nefnda og síðari umræðu í sveitarstjórn.
Í frétt á vef sveitarfélagsins segir að helstu niðurstöður fjárhagsáætlunar fyrir árið 2021 geri ráð fyrir að rekstrartekjur Sveitarfélagsins Skagafjarðar nemi 6.219 milljónum króna hjá samstæðunni í heild, A- og B-hluta, þar af séu rekstrartekjur A-hluta áætlaðar 5.406 milljónir kóna. Rekstrargjöld án fjármagnsliða og afskrifta eru áætluð 5.944 milljónir króna, þar af A-hluti 5.298 milljónir króna. Rekstrarhagnaður A- og B-hluta fyrir afskriftir og fjármagnsliði er áætlaður 275 milljónir. Afskriftir nema 248 milljónum króna og fjármagnsgjöld umfram fjármunatekjur nema 261 milljón. Rekstrarhalli samstæðunnar í heild, A- og B-hluta, er áætlaður samtals 234 milljónir króna.
Gert er ráð fyrir fjárfestingum að fjárhæð 537 milljónir króna, afborgun lána 495 milljónir króna og nýrri lántöku 840 milljónir króna.
Undanfarin ár hefur íbúum sveitarfélagsins gefist kostur á að koma á framfæri áherslum sínum og uppástungum í tengslum við gerð fjárhagsáætlunar. Vegna samkomutakmarkana og persónulegra sóttvarna verða ekki haldnir slíkir íbúafundir að þessu sinni en þess í stað gefst íbúum tækifæri til að koma sínum sjónarmiðum og uppástungum að í gegnum umræðuvettvanginn Betra Ísland. Eru íbúar hvattir til að nýta þennan umræðuvettvang og hafa áhrif á fjárhagsáætlun sveitarfélagsins fyrir árið 2021. Opið verður fyrir innlegg á Betra Ísland til og með 9. desember 2020.
Umræðuvettvangur fyrir fjárhagsáætlun 2021 má finna inn á betraisland.is eða með því að smella hér.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
