ÍR-ingar mæta á Krókinn í kvöld
Tindastóll tekur á móti ÍR-ingum í IEX-deildinni í kvöld og hefst leikurinn kl. 19.15. Þarna er um gríðarlega mikilvægan leika að ræða gegn spræku liði ÍR-inga sem verið hefur á uppleið í síðustu leikjum. Stuðningsmannafundur kl. 18.30. ÍR situr nú í 8. sæti með 10 stig eftir sigur á KFÍ í síðasta leik, sæti neðar en Tindastóll sem hefur 12 stig. ÍR burstaði Tindastól með 24 stiga mun í fyrri leik liðanna í Reykjavík, 97-73.
Á Tindastóll.is segir að fyrir liði ÍR fari þrír erlendir leikmenn, þeir Nemanja Sovic sem skorað hefur 20.1 stig og tekið 6.2 fráköst, Kelly Biedler 21.4 stig og 12.1 frákast og nýjasti liðsmaður ÍR-inga James Bartolotta, sem skorað hefur 24.7 stig og er mjög góð skytta, er m.a. að hitta úr 45% þriggja stiga skota sinna. Þá er Sveinbjörn Claessen kominn á skrið á nýjan leik eftir meiðsli. Gamla kempan Eiríkur Önundarson kemur síðan með óhemju mikla reynslu inn í liðið og þeir Hjalti Friðriksson og Níels Dungal auka sannarlega breidd þeirra Breiðhyltinga.
Þessa dagana er hver leikur Tindastólsmanna úrslitaleikur um stöðu í deildinni og náist sigur gegn ÍR-ingum, verður liðið komið í baráttuna um 5. sætið í deildinni. Stjörnumenn eru í 5. sætinu með 14 stig, en þeir eiga erfiðan útileik gegn Njarðvíkingum í þessari umferð og Haukar í 6. sæti með 12 stig eins og Tindastóll, en þeir eiga sömuleiðis erfiðan útileik fyrir höndum í þessari umferð gegn Grindvíkingum.
Kiki er meiddur á hné og hefur hvílt í vikunni og óvíst er hversu mikinn þátt hann kann að taka í leiknum. Aðrir leikmenn eiga að vera í góðu standi og þurfa að stíga upp, verði Kiki lítið eða ekkert með.
Það verða Tengill ehf og Sparisjóðurinn sem keppa í Stinger-skotleik í hálfleik.
Stuðningsmannafundur verður fyrir leikinn kl. 18.30 í matsal Árskóla - gengið inn um aðalinngang íþróttahússins - og þar verður hægt að fá sér súpu fyrir 500 krónur. Borce Ilievski aðalþjálfari Tindastóls og Kári Marísson aðstoðarþjálfari munu fara yfir fyrirhugað leikskipulag á fundinum og svara fyrirspurnum. Allir stuðningsmenn eru velkomnir. Þessar samverustundir hafa verið skemmtilegar og oft spunnist fjörugar og áhugaverðar umræður um körfuboltann og frammistöðu liðsins.
/Tindastóll.is
Fleiri fréttir
-
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira -
Laufey ráðin í stöðu aðstoðarskólameistara við FNV
feykir.is Skagafjörður, Mannlíf, Lokað efni 18.07.2025 kl. 13.56Laufey Leifsdóttir hefur verið ráðin í stöðu aðstoðarskólameistara við Fjölbrautaskóla Norðurlands vestra og tekur til starfa þann 1. ágúst næstkomandi.Meira -
Körfuknattleiksdeild Tindastóls er iðin við kolann
feykir.is Skagafjörður, Íþróttir, Lokað efni 18.07.2025 kl. 11.55Í nýrri tilkynningu segir: „Tindastóll styrkir kvennaliðið. Körfuknattleiksdeild Tindastóls hefur samið við Oceane Konkou, fransk-kanadískan framherja. Martin þjálfari segir Oceane vera þekkta fyrir hraða, varnarleik og að vera góð þriggja stiga skytta, eiginleika sem munu styrkja liðið verulega fyrir komandi tímabil. „Hún er að spila í Ástralíu núna og stendur sig mjög vel, við hlökkum mikið til að fá hana til liðsins“Meira -
HÚNAVAKA : „Það verður fullt hús hjá okkur hjónunum“
feykir.is Austur-Húnavatnssýsla, Mannlíf 18.07.2025 kl. 11.04Það er víst ótrúlega oft hægt að plata Auðun Sigurðsson í að gera hitt og þetta. Því plataði Feykir hann til að svara örfáum spurningum um Húnavökuna. „Ég bý á Blönduósi og hef gert það lungan úr mínu lífi. Þessa dagana er ég einna helst að sinna minni vinnu, ditta að heima hjá mér og leika golf í frístundum,“ segir þessi fyrrum markvörður Hvatar í fótboltanum.Meira
