Ísak Óli Traustason kjörinn íþróttamaður Skagafjarðar
Frjálsíþróttakappinn Ísak Óli Traustason var útnefndur íþróttamaður Skagafjarðar í gærkvöldi við hátíðlega athöfn í Ljósheimum. Auk þess var hann útnefndur frjálsíþróttamaður Tindastóls við sama tækifæri. Meistaraflokkur kvenna varð lið ársins og Sigurður Arnar Björnsson þjálfari ársins.
Tilnefndir til Íþróttamanns Skagafjarðar 2019 voru:
Arnar Geir Hjartarson kylfingur
Bryndís Rut Haraldsdóttir fótboltamaður
Ísak Óli Traustason frjálsíþróttamaður
Mette Moe Mannseth hestamaður
Viðar Ágústsson körfuknattleiksmaður
Tilnefnd til liðs ársins 2019 voru:
Golfklúbbur Skagafjarðar - kvennasveit GSS
Ungmennafélagið Hjalti, Blakfélagið Krækjur - kvennasveit
Ungmennafélagið Tindastóll knattspyrnudeild - meistaraflokkur kvenna
Ungmennafélagið Tindastóll körfuknattleiksdeild - meistaraflokkur karla
Tilnefndir til þjálfara ársins 2019 voru:
Guðni Þór Einarsson og Jón Stefán Jónsson knattspyrnuþjálfarar meistaraflokks kvenna – Knattspyrnudeild Ungmennafélags Tindastóls
Sigurður Arnar Björnsson frjálsíþróttaþjálfari meistaraflokks – Frjálsíþróttadeildar Ungmennafélags Tindastóls
Hvatningarverðlaun UMSS voru veitt fjórtán ungmennum sem keppa innan aðildarfélaga UMSS. Þau eru veitt ungmennum á aldrinum 12-17 ára sem eru áhugasamir, með góða ástundun, sýna góða hegðun innan vallar sem utan, eru góðir félagar og teljast vera góðar fyrirmyndir annarra unglinga sem sýna áhuga og stunda sína íþrótt. Þau hljóta:
Andrea Maya Chirikadzi, UMFT frjálsíþróttadeild
Anna Karen Hjartardóttir Golfklúbbur Skagafjarðar
Ardís Heba Skarphéðinsdóttir UMFT skíðadeild
Bragi Skúlason UMFT knattspyrnudeild
Eva Rún Dagsdóttir UMFT körfuknattleiksdeild
Eyþór Lár Bárðarson UMFT körfuknattleiksdeild
Kolbrún Ynja Stefánsdóttir Umf. Neisti
Kristinn Örn Guðmundsson Hestamannafélagið Skagfirðingur
Magnús Elí Jónsson UMFT frjálsíþróttadeild
Margrét Rún Stefánsdóttir UMFT knattspyrnudeild
Óskar Aron Stefánsson UÍ Smári
Patrekur Rafn Garðarsson Umf. Neisti
Stefanía Sigfúsdóttir Hestamannafélagið Skagfirðingur
Tómas Bjarki Guðmundsson Golfklúbbur Skagafjarðar
Einnig fengu sjö keppendur aðildarfélaga UMSS, sem þátt hafa tekið í verkefnum landsliða Íslands, viðurkenningu fyrir þátttöku sína þar auk eins þjálfara. Keppendurnir eru:
Ísak Óli Traustason, Frjálsíþróttasamband Íslands,
Jóhann Björn Sigurbjörnsson, Frjálsíþróttasamband Íslands
Marín Lind Ágústsdóttir, Körfuknattleikssamband Íslands U16
Örvar Freyr Harðarson, Körfuknattleikssamband Íslands U16
Ásdís Ósk Elvarsdóttir, Landssamband hestamanna
María Finnbogadóttir, Skíðasamband Íslands
Þórarinn Eymundsson, Landssamband hestamanna
og Sigurður Arnar Björnsson, þjálfari, Frjálsíþróttasamband Íslands
Þá voru úthlutaðir styrkir úr Afreksmannasjóði UMSS til fimm afreksíþróttamanna innan sambandsins. Þá hlutu eftirtaldir:
Andrea Maya Chirikadzi
Ásdís Ósk Elvarsdóttir
Ísak Óli Traustason
Jóhann Björn Sigurbjörnsson
Marín Lind Ágústsdóttir
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.