Janúarlömb á Óslandi
Það er ekki óalgengt að lömb komi í heiminn mun fyrr en ætlast er til en að þau komi í janúar er kannski heldur snemmt að mati margra. Á Óslandi í Skagafirði fæddust tvö lömb í gærmorgun, hrútur og gimbur, sem ekki hafa enn fengið nöfn, og það sem meira er, þriðja árið í röð sem lömb fæðast í upphafi þorra.
Að sögn Guðmundar Jónssonar, bónda, hefur ærin fengið á fjalli þar sem hún kom ekki til byggða fyrr en um miðjan nóvember og samkvæmt ritúalinu hefur það líklega verið um miðjan september þar sem kindur ganga með í u.þ.b.140 daga. „Það sem að mér finnst merkilegt við þetta er að þetta er þriðja árið í röð sem ég fæ lömb í upphafi þorra,“ segir Guðmundur. „Merkilegra en að það komi eitt og eitt lamb. En ég hef enga skýringu á þessu.“
Guðmundur segir að þessi óvænti sauðburður komi sér ekkert illa þar sem hann hafi nóg pláss til að hafa kindurnar sér í stíu. „Ekkert vandamál ef ekki koma mikið fleiri.“
Þó ekki sé fallegt, svona þegar líf er nýkviknað, að spyrja um fallþunga í sláturtíð á svo snemmbornum lömbum segir Guðmundur hann geta verið um 30 kíló en til samanburðar var meðalþyngd dilka hjá Kjötafurðastöð KS 16,72 kg sl. haust.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
