Kaupfélag Skagfirðinga 130 ára í dag
Í dag eru liðin 130 ár síðan Kaupfélag Skagfirðinga var sett á laggirnar en það var stofnað sem pöntunarfélag 23. apríl 1889. Tólf menn komu saman á Sauðárkróki til að stofna félagið eftir að Ólafur Briem, alþingismaður á Álfgeirsvöllum hafði boðað þá.
Í Skagfirzkum annál Kristmundar Bjarnasonar stendur:
Kaupfélag Skagfirðinga var stofnað sem pöntunarfélag. Það starfaði í tíu hreppadeildum, auk Bólstaðarhlíðardeildar er einnig stóð að stofnuninni. Aðrir hreppar í Austur-Húnavatnssýslu vildu ekki að svo stöddu slíta viðskiptum við Coghill. Fulltrúafundinn sátu: Guðmundur Gíslason á Bollastöðum fyrir Bólstaðarhlíðardeild, Konráð Jónsson í Bæ fyrir Hofsdeild, Hermann Jónasson skólastjóri á Hólum fyrir Hólahrepp, séra Zophonias Halldórsson fyrir Viðvíkurhrepp, Þorvaldur Arason á Flugumýri fyrir Akrahrepp, Pálmi Pétursson á Skíðastöðum fyrir Lýtinga, séra Jakob Benediktsson á Víðimýri fyrir Seylhreppinga, Jón Pálmason á Auðnum fyrir Staðarhrepp, Jónas Jónsson í Hróarsdal fyrir Rípurhrepp, Vigfús Guðmundsson söðlasmiður á Sauðárkróki fyrir Sauðárhrepp og Hjörtur Hjálmarsson á Skíðastöðum fyrir Skefilsstaðahrepp. - Formaður hins nýja félags var séra Zophónias. Ári síðar tók Jón Jakobsson á Víðimýri við formennsku og tveim árum síðar Pálmi Pétursson á Skíðastöðum, en hann var pöntunarstjóri félagsins.
Í dag heldur Kaupfélag Skagfirðinga úti mikilli atvinnustarfsemi í Skagafirði og á einnig í fyrirtækjum víðs vegar um land. Samkvæmt heimasíðu KS eru dótturfélög Kaupfélags Skagfirðinga fjórtán talsins; Bústólpi ehf., Esja Gæðafæði ehf., FISK Seafood ehf., Fóðurblandan hf., Fóðurfélagið ehf., Heilsuprótein ehf., Íslenskar sjávarafurðir ehf., Nýprent ehf., Sláturhús Hellu hf., Sláturhús KVH ehf., Tengill ehf., Trésmiðjan Borg ehf., Vogabær ehf. og Vörumiðlun ehf. Höfuðstöðvar þess eru á Ártorgi á Sauðárkróki.
Kaupfélag Skagfirðinga er samvinnufélag og er deildaskipt. Á heimasíðu KS kemur fram að mörk deildanna miðist að mestu við þau sveitarfélög er voru í Skagafirði fyrir árið 1998. Deildir kjósa fulltrúa á aðalfund, einn fyrir hverja 25 félagsmenn, en þó kveða samþykktir félagsins á um að það getur engin ein deild átt meirihluta fulltrúa á aðalfundi. Á aðalfundi er rætt um rekstur félagsins, reikningar þess fyrir liðið ár afgreiddir og markaðar meginlínur um framtíðarumsvif. Aðalfundur kýs síðan félaginu sjö manna stjórn, sem fer með æðsta vald í félaginu milli aðalfunda. Stjórnarmenn eru kjörnir til þriggja ára í senn, en hún er aldrei endurkjörin öll í einu og varamenn eru þrír.
Núverandi stjórn KS er eftirfarandi:
Bjarni Maronsson stjórnarformaður, Varmahlíð
Herdís Á. Sæmundardóttir varaformaður, Sauðárkróki
Örn Þórarinsson ritari, Ökrum
Guðrún Sighvatsdóttir, Sauðárkróki
Pétur Pétursson, Sauðárkróki
Sigríður Gunnarsdóttir, Sauðárkróki
Þorleifur Hólmsteinsson, Þorleifsstöðum
Varamenn:
Hjörtur Geirmundsson, Sauðárkróki
Viggó Jónsson, Sauðárkróki
Gunnar Þ. Gestsson, Sauðárkróki
Núverandi kaupfélagsstjóri er Þórólfur Gíslason sem setið hefur í stjórnarstólnum í rúm 30 ár eða síðan 1988 en aðrir kaupfélagsstjórar hafa verið:
1889–1890: Zophónías Halldórsson
1890–1891: Jón Jakobsson
1892–1910: Pálmi Pétursson
1910–1913: Gísli Jónsson
1913–1937: Séra Sigfús Jónsson
1937–1946: Sigurður Þórðarson
1946–1972: Sveinn Guðmundsson
1972–1981: Helgi Rafn Traustason
1982–1988: Ólafur Friðriksson
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.