Liðsmenn Kormáks/Hvatar vilja toppsætið
Það dregur til tíðinda í 4. deildinni um helgina en þá verða lokaumferðir riðlakeppninnar spilaðar. Á Blönduósvelli taka heimamenn í Kormáki/Hvöt á móti sunnlenskum knattspyrnukempum frá Stokkseyri á sunnudaginn. Flest benti til að heimamenn þyrftu nauðsynlega að vinna leikinn til að tryggja sætið í úrslitakeppninni en eftir að lið Skautafélags Reykjavíkur tapaði óvænt fyrir Álafossi í fyrrakvöld þá er það þegar í höfn.
SR átti einn leik til góða á lið Kormáks/Hvatar áður en leikið var í Mosfellsbænum en í síðustu umferðinni átti lið SR að mæta Snæfellinum sem hafa verið að tapa leikjum með tveggja stafa tölum. Það var því möguleiki að ná í skottið á Húnvetningum en hann er nú úr sögunni. Feykir heyrði í Bjarka Má Árnasyni, þjálfara Kormáks/Hvatar, og spurði hvernig stemningin í hópnum væri fyrir lokaleikinn í riðlakeppninni. „Leikurinn leggst mjög vel í menn. Okkur líður virkilega vel á heimavelli og við erum staðráðnir í að tryggja okkur toppsætið í riðlinum. Það er búin að vera góð stemning í sumar, enda miklir og flottir karakterar í hópnum. Við stöndum saman í þessu allir sem einn.“
Einhver skilaboð til stuðningsmanna? „Ég vona bara að fólk fjölmenni á völlinn og styði við bakið á okkur, því við þurfum á stuðningnum að halda,“ segir Bjarki að lokum. Leikurinn er sem fyrr segir á sunnudag og hefst kl. 16:00.
Lið Tindastóls í eldlínunni
Það er ekki bara á Blönduósi sem fótbolti verður í hávegum hafður um helgina. Á morgun, laugardag, verður 15. umferðin spiluð í 3. deildinni og þá kemur lið Ægis úr Þórlákshöfn á Krókinn og spilar við Tindastólsmenn kl. 16:00. Enn á eftir að spila átta umferðir í 3. deildinni og því hellingur af stigum sem hægt er að krækja í áður en yfir líkur. Lið Tindastóls hefur hins vegar ekki verið á sigurbraut í síðustu umferðum og ólíkleg að liðið blandi sér í baráttuna um sæti í 2. deild.
Tveimur tímum fyrr, laugardag kl. 14:00, verða Stólastúlkur í eldlínunni í Lengjudeildinni en þá mæta þær liði Fjölnis á Extra-vellinum í Grafarvogi. Það er um að gera fyrir stuðningsmenn Tindastóls að fjölmenna á leikinn og hvetja Pepsi Max-deildar kandítana til dáða. Stelpurnar eiga svo heimaleik gegn ÍA laugardaginn 19. september.
Fleiri fréttir
-
Draumur Stólastúlkna varð ekki að veruleika þetta vorið
feykir.is Skagafjörður, Íþróttir 08.05.2024 kl. 09.43Draumur Stólastúlkna um sæti í Subway-deildinni í haust rættist ekki þetta vorið en mikið óskaplega voru þessir síðustu þrír leikir gegn liði Aþenu spennandi. Fjórði leikur liðanna fór fram í Síkinu í gærkvöldi og lið Tindastóls varð að næla í sigur til að tryggja sér oddaleik. Leikurinn var hnífjafn – þá erum við að tala um að hann var HNÍFJAFN allan tímann – og staðan til dæmis 72-72 þegar tvær mínútur voru til leiksloka. Eins og í þriðja leiknum reyndist Sianni Martin það sem skildi á milli á lokasekúndunum og lið Aþenu gerði fimm síðustu stig leiksins. Lokatölur 72-77 og Aþena vann þar með einvígið 3-1.Meira -
Leikjum ýmist frestað eða þeir færðir til
feykir.is Skagafjörður, Íþróttir 08.05.2024 kl. 09.04Sauðárkróksvöllur er í lamasessi líkt og flestum ætti að vera kunnugt. Meistaraflokkur karla hjá Tindastóli átti að hefja keppni í 4. deild í kvöld og spila heima gegn liði Skallagríms. Leiknum hefur hins vegar verið frestað og færður aftur í júníbyrjun. Þá átti Bestu deildar lið Tindastóls að spila við Fylki á Króknum á morgun, fimmtudag, en sá leikur verður spilaður á Akureyri.Meira -
Blanda og Svartá til leigu frá og með sumrinu 2025
feykir.is Austur-Húnavatnssýsla 07.05.2024 kl. 19.52Húnahornið greinir frá því að laxveiðiárnar Blanda og Svartá hafi verið auglýstar til leigu frá og með sumrinu 2025. Einkahlutafélagið Starir er með vatnasvæðið á leigu í dag en núgildandi leigusamningur rennur út í haust. Því óskar Veiðifélag Blöndu og Svartár eftir tilboðum í leigu eða umboðssölu á öllum veiðirétti félagsins í laxveiðiánum frá og með sumrinu 2025 til og með 2029 með almennu útboði.Meira -
Sr. Guðrún Karls Helgudóttir næsti biskup Íslands
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.05.2024 kl. 15.15Nú liggur það ljóst fyrir hver verður biskup Íslands eftir síðari umferð biskupskosninganna lauk á hádegi í dag 7. maí og hlaut Sr. Guðrún Karls Helgudóttir flest atkvæði 1060 eða 52,19%. Sr. Guðmundur Karl Brynjarsson fékk 954 atkvæði eða 46,97%.Meira -
Katrín heimsækir Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 07.05.2024 kl. 14.40Fyrstu kappræður þeirra tólf frambjóðenda sem stefna á Bessastaði fóru fram í Sjónvarpinu sl. föstudag og vöktu talsverða athygli og gott áhorf. Nú eru tæpar fjórar vikur til kjördags og því eru forsetaefnin komin á fulla ferð í eltingaleiknum um atkvæði kjósenda. Katrín Jakobsdóttir er mætt til leiks og er á ferð um landið en næstu tvo daga verður hún á Norðurlandi vestra; fundar á Blönduósi og Sauðárkróki miðvikudaginn 8. maí og á Hvammstanga degi síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.