Lummudagar nálgast
Hinir árlegu Lummudagar eru framundan, en þeir hefjast fimmutdaginn 25. júní með setningarathöfn við sundlaugina á Sauðárkróki. Á Lummudögum verða götuskreytingarnar, götugrillin og götumarkaðarnir á sínum stað og um að gera að taka helgina frá.
Á setningarathöfninni verður hægt að gæða sér á fiskisúpu og einnig fer fram blakmót sem hefst kl. 17:30. Loftboltamót verður við íþróttahúsið kl. 20.00, en mikilvægt er að skrá liðin fyrirfram.
Á föstudeginum eru hinir vinsælu tónleikar VSOT (Villtir svanir og tófa) í Bifröst en þeir eiga sér sinn fasta aðdáendahóp. Sápuboltinn verður á sínum stað í Ártúninu en hann hefur notið mikilla vinsælda síðustu ár.
Lummumeistari 2015 verður krýndur á laugardeginum og hefst lummukeppnin kl 14:15. Eins og vanalega verður markaður á Aðalgötunni og skráning á hann er í fullum gangi. Þátttakendur mæta með sín eigin borð og það kostar ekkert að vera með. Trúðurinn Wally mætir á svæðið en hann er fjöllistamaður og er hann umsjónarmaður Sirkus Íslands. Á laugardeginum verður svo tónlistarhátíðin Drangey music festival, þar sem vegurinn endar, á Reykjum á Reykjaströnd, en þar kemur fram flott tónlistarfólk og er hátíðin góð viðbót við dagskrána.
Hér er hægt að sjá nánari dagskrá.
Allar nánari upplýsingar og skráning eru hjá asasvanhildur@gmail.com
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
