Magnús Barðdal kynntur sem oddviti Sjálfstæðisflokksins í Skagafirði
feykir.is
Skagafjörður
16.03.2026
kl. 23.34
Frambjóðendur Sjálfstæðisflokksins í Skagafirði 2026. AÐSEND MYND
Sjálfstæðisflokkurinn í Skagafirði kynnti í kvöld framboðslista sinn til sveitarstjórnarkosninga á fjölmennum fundi á Sauðá á Sauðárkróki. Setið var í öllum stólum og staðið víða þegar Gísli Sigurðsson, fráfarandi oddviti, kynnti til leiks Magnús Barðdal sem nýjan oddvita flokksins í sveitarfélaginu.
Í tilkynningu frá Sjálfstæðisflokknum segir að Magnús leiði lista sem er töluvert breyttur frá kosningunum 2022. Ásamt honum í efstu sætum eru Sólborg Borgarsdóttir í öðru sæti og Guðlaugur Skúlason í því þriðja. Þau þrjú kynntu saman öflugan og fjölbreyttan lista ungs og öflugs fólks í bland við eldri reynslubolta.
Í tilkynningu frá Sjálfstæðisflokknum segir að Magnús leiði lista sem er töluvert breyttur frá kosningunum 2022. Ásamt honum í efstu sætum eru Sólborg Borgarsdóttir í öðru sæti og Guðlaugur Skúlason í því þriðja. Þau þrjú kynntu saman öflugan og fjölbreyttan lista ungs og öflugs fólks í bland við eldri reynslubolta.
Stemningin á fundinum var frábær en öflugt starf félagsins í Skagafirði jafnt og þétt allt kjörtímabilið hefur undanfarið skilað sér í miklum áhuga á flokknum. Það skein í gegn í kvöld þar sem tæplega 70 manns skemmtu sér saman og voru síðustu gestir að skila sér heim að ganga miðnætti.
Sjálfstæðisflokkurinn í Skagafirði mun kynna stefnumál sín nánar á næstu vikum. Listinn er eftirfarandi:
Sjálfstæðisflokkurinn í Skagafirði mun kynna stefnumál sín nánar á næstu vikum. Listinn er eftirfarandi:
- Magnús Barðdal, lögfræðingur
- Sólborg S. Borgarsdóttir, sérfræðingur hjá HMS
- Guðlaugur Skúlason, verkefnastjóri
- Rósanna Valdimarsdóttir, rekstraraðili og reiðkennari
- Jón Daníel Jónsson, matreiðslumaður
- Guðbjörg Konráðsdóttir, deildarstjóri á leikskóla
- Jóhann Daði Gíslason, formaður knattspyrnudeildar Tindastóls
- Brynja Sif Harðardóttir, markaðsfulltrúi
- Anton Þorri Axelsson, námsmaður
- Grazyna Maria Garlak, verkstjóri
- Jakob Logi Gunnarsson, rafmagnstæknifræðingur
- Sandra Björk Jónsdóttir, eigandi Sauðá
- Sigrún Eva Helgadóttir, bóndi á Reynistað
- Óli Björn Pétursson, fyrirtækjaeigandi
- Gunnar Smári Reynaldsson, rekstrarstjóri
- Merete Rabølle, bóndi á Hrauni
- Árni Egilsson, skrifstofustjóri og fyrrum sveitarstjóri á Hofsósi
- Gísli Sigurðsson, framkvæmdastjóri
Fleiri fréttir
-
Enn er úti veður vont og gul viðvörun í gangi
feykir.is Skagafjörður, Austur-Húnavatnssýsla, Vestur-Húnavatnssýsla 16.03.2026 kl. 23.33Veðrið í dag á Norðurlandi vestra var með ágætum en þegar nálgaðist kvöld fór að hvessa og Veðurstofan skellti á okkur gulri veðurviðvörun sem varir til kl. 10 í fyrramálið í það minnsta. Nú undir miðnætti var óveður á þjóðvegi 1 milli afleggjarans að Hvammstanga og Víðigerði og sömuleiðis var óveður í Langadalnum og á Skagastrandarvegi. Það er norðaustan átt og víðast hvar í Húnavatnssýslum er vindur um og yfir 20 m/sek.Meira -
Íbúar og velunnarar Hóla í Hjaltadal og Háskólans á Hólum lýsa yfir þungum áhyggjum
feykir.is Skagafjörður, Aðsendar greinar, Listir og menning 16.03.2026 kl. 15.19Íbúar og velunnarar Hóla í Hjaltadal og Háskólans á Hólum komu saman til fundar þann 11. mars síðastliðinn. Í yfirlýsingu lýsa fundarmenn yfir miklum áhyggjum af áformum stjórnvalda sem meðal annars koma fram í minnisblaði framkvæmdahóps um Hóla í Hjaltadal dagsett 15. október 2025. Minnisblaðið hefur verið rætt í ríkisstjórn. Í yfirlýsingunni kemur fram að þær tillögur sem nú liggja fyrir hafa verið unnar án nokkurs samráðs við íbúa, almenna starfsmenn háskólans og aðra velunnara.Meira -
Óveður lamaði samgöngur á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 16.03.2026 kl. 14.34Mikið óveður gekk yfir Norðurland vestra í gær og fram eftir nóttu með þeim afleiðingum að þjóðvegir lokuðust, hundruð ferðamanna urðu strandaglópar og fjöldahjálparstöðvar voru opnaðar til að hýsa fólk sem komst hvorki lönd né strönd. Þrátt fyrir erfiðar aðstæður og mikla umferð um svæðið urðu engin slys á fólki.Meira -
N-listinn í Húnaþingi vestra kynnir framboðslista sinn
feykir.is Vestur-Húnavatnssýsla 16.03.2026 kl. 11.38N-listinn, Nýtt afl í Húnaþingi vestra hefur kynnt framboðslista sinn fyrir sveitarstjórnarkosningarnar í maí. Nýr oddviti N-listans er Viktor Ingi Jónsson sem áður skipaði fjórða sætið en Magnús Vignir Eðvalldsson, sem áður var oddviti, færir sig niður í annað sæti.Meira
