Margir vilja Héðinsfjarðará
Nýlega voru opnuð tilboð í Héðinsfjarðará sem er nú allt í einu orðin ein af aðgengilegri veiðiám landsins, eftir gerð Héðinsfjarðargangna, en áður var þetta töfrum ljómuð afdalaá sem virkilega erfitt var að nálgast.
Alls bárust sjö tilboð í ána, fimm þeirra til eins árs eins og veiðifélag árinnar lagði upp með, en tvö voru annars vegar til 3 ára og hins vegar til 10 ára. Eins árs tilboðin voru á bilinu 760.000 til 1.210.000 krónur, en tíu ára leigutilboðið sem kom frá Stangaveiðifélögum Siglufjarðar og Akureyrar sameiginlega var upp á 1,3 milljónir. Veitt er á 4 stangir frá 15. júlí til 15. ágúst, en eftir það er þeim fækkað í tvær og veiði bönnuð efst í ánni. Í ánni er eingöngu sjóbleikja og verður kvóti upp á 7 drepna fiska á stöng á dag.
Sem fyrr segir var aðgengi að ánni fyrrum erfitt. Það þurfti annað hvort að príla yfir bratt fjallaskarð, nokkra klukkutíma erfiði, eða fara sjóleiðina og taka áhættuna að verða innlyksa vegna veðurs, en nú er einn umtalaðasti þjóðvegur landsins nánast á árbakkanum og afdalaljóminn farinn. Eggert Skúlason gerði Héðinsfjarðará fræga með Veiðiperludisknum um árið og enn er áin tekin fyrir á nýjum veiðidiski, The Source – Iceland.
Fleiri fréttir
-
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira -
Laufey ráðin í stöðu aðstoðarskólameistara við FNV
feykir.is Skagafjörður, Mannlíf, Lokað efni 18.07.2025 kl. 13.56Laufey Leifsdóttir hefur verið ráðin í stöðu aðstoðarskólameistara við Fjölbrautaskóla Norðurlands vestra og tekur til starfa þann 1. ágúst næstkomandi.Meira
