Minkarækt í deiglunni í Héraðsdal II
Áætlað er að starfsemi hefjist á nýjan leik í vetur í minkahúsunum í Héraðsdal II í Skagafirði. Það er Urðarköttur ehf. á Syðra-Skörðugili sem hefur tekið húsin á leigu og hefur þar rekstur með baktryggingu reyndra danskra minkabænda.
Í frétt á mbl.is segir að minkabú hefur verið rekið í Héraðsdal II með hléum í allmörg ár og þar eru stór minkahús og íbúðarhús. Síðast var þar minkabú í eigu danskrar fjölskyldu sem hætti rekstri í lok árs 2018 og íslenskt félag hennar varð gjaldþrota. Arion-banki leysti til sín eignirnar og seldi Kaupfélagi Skagfirðinga.
„Við rekum fóðurstöð og mikið hráefni fellur til við matvælaframleiðslu hjá okkur. Við vorum að skoða möguleika á að koma þessu í gang aftur og ræddum möguleika á samstarfi við Einar á Skörðugili. Þá var kreppan að skella á og hann treysti sér ekki í þetta. Hann kom nú að máli við okkur um að taka eignirnar á leigu, sér tækifæri í þessu,“ segir Ágúst Andrésson, forstöðumaður kjötafurðastöðvar KS. Kaupfélagið hefur áður haft til skoðunar að hefja rekstur á stóru loðdýrabúi til að nýta betur fóðurstöð og hráefni en ekki orðið úr.
Það glittir í bjartari tíma
Það er Einar Einarsson, bóndi á Syðra-Skörðugili, sem er í forsvari fyrir Urðarkött. Hann tjáði Feyki í samtali að danskir minkabændur hefðu leitað til sín um samstarf í kjölfar þess að allur minkastofninn í Danmörku var felldur sökum Covid-smits nú í vetrarbyrjun. Einar lagði áherslu á að um væri að ræða aðila sem væru ekki í neinni ævintýramennsku, þetta væru reynslumiklir bændur sem hefðu trú á minkarækt og mikinn metnað. Ásættanlegt verð fæst fyrir vinnu Urðarkattar, allur kostnaður verður greiddur og ef markaðurinn tekur við sér og verð hækka þá hafi verið samið um að Urðarköttur njóti þess einnig að hluta. Samið var um að verkefnið tæki til þriggja ára hið minnsta.
Einar sagði jafnframt að aukning í framleiðslu væri jákvæð hvað það varðar að hún kalli á aukna fóðurframleiðslu hér heima. Áfallið í minkaræktinni í Danmörku hefði hins vegar haft slæm áhrif á þá aðila hér á landi sem selt hafa hráefni í fóður til Dana, þar er nú engin eftirspurn og líklegt að minkarækt hefjist ekki í Danmörku á ný fyrr en í fyrsta lagið árið 2022 og þá er óvíst hversu margir bændur taka upp þráðinn.
Minkabændur hafa átt undir högg að sækja hér á landi síðustu árin en minka- og refabændur voru um 200 talsins þegar mest lét, margir þá með lítil bú. Lengi vel voru þeir síðan um 30 talsins en nú eru aðeins níu bú starfrækt á Íslandi og Urðarköttur eini aðilinn hér norðan heiða. Lélegt verð hefur fengist fyrir minkinn síðustu ár sökum mikils framboðs og margir bændur hafa þurft að hætta rekstri. Einar sagði Feyki þó að nú í vikunni hafi verið uppboð í Finnlandi og þar hefði myndast vonarglæta því einhver hækkun hefði orðið á verði og skinnin hefðu selst. Það væru því líkur á bjartari tímum.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
