Ný bók um stjórnun og rekstur í ferðaþjónustu
Ferðamáladeild Háskólans á Hólum hefur gefið út nýja bók um stjórnun og rekstur í ferðaþjónustu, sem ber heitið Stjórnun og rekstur í ferðaþjónustu-afþreying á sjó og vatni. . Bókin er rituð fyrir stjórnendur, starfsmenn og nemendur í greininni.
Fjallað er um atriði eins og öryggismál, vöruþróun, stofnun fyrirtækja, leyfisveitingar, fjármögnun, umhverfismál, áætlanagerð, ráðningu starfsmanna, móttöku gesta, gæði þjónustu og fleira sem lýtur að fagmennsku í stjórnun og rekstri.
Sérstakir kaflar eru í bókinni um afþreyingu á sjó og vatni. Mikil áhersla er lögð á að benda lesendum á frekara fræðsluefni um hvert viðfangsefni fyrir sig auk þess sem að listar yfir lög og reglugerðir, gagnlegar vefsíður og fleira leiða lesendur áfram.
Höfundur bókarinnar er Ingibjörg Sigurðardóttir lektor en inngangskafla um ferðmennsku og upplifun ritar Guðrún Þóra Gunnarsdóttir lektor og nýráðinn forstöðumaður Rannsóknamiðstöðvar ferðamála. Útgáfan var styrkt af Starfsmenntaráði sem og af Náttúruverndarsjóði Pálma Jónssonar stofnanda Hagkaupa.
Bókin er afrakstur áralangrar samvinnu ferðamáladeildar við fyrirtæki og samtök og stofnanir ferðaþjónustunnar. Hvatning Samtaka ferðaþjónustunnar ýtti undir að bókin væri gefin út. Var bókin kynnt á markaðstorgi sem haldið var í tengslum við aðalfund Samtakanna í Reykjavík 14. og 15. mars og við það tilefni tóku fulltrúar þeirra við fyrstu eintökunum.
Bókin er fáanleg hjá Háskólanum á Hólum og kostar kr. 3.000. Best er að hafa samband við Sigurlaugu Stefánsdóttur, silla@holar.is eða í síma 455 6309.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
