Öflug grjóttínsluvél í Blönduhlíðina og syngjandi sveifla í Sæmundarhlíðinni
Á Facebooksíðu Kraftvéla er sagt frá því að Gísli Björn Gíslason bóndi á Vöglum í Blönduhlíð í Skagafirði hafi lengi barist við grýttan svörð í sínum flögum svo komið væri að því að fá sér öflugt tæki til að auka afköstin. Fyrir valinu varð Kongskilde StoneBear 5200T grjóttínsluvél frá Kraftvélum með tveimur greiðum og safnkassa.
Vélin er með 5,2 metra vinnslubreidd og safnkassa sem rúma 1,8m3, 24 tindar eru á rakstrarörmum og flotmikil 500/55/22,5 dekk eru á tandem hásingu. Í færslunni kemur fram að Kongskilde StoneBear grjóttínsluvélar séu þrautreynd tæki með áratuga reynslusögur á bakinu.
Í færslu Kraftvéla segir að vegna Covid-19 vírusins hafi orðið töf á afgreiðslu vélarinnar þannig að prufukeyrslan gat ekki farið fram í vor eins og áætlanir höfðu gert ráð fyrir.
Í Sæmundarhlíðinni er svo Geirmundur Valtýsson í syngjandi sveiflu á Geirmundarstöðum því hann fékk sér nýja Pöttinger sláttuvél af Novadisc 350 gerð með 3,5 metra vinnslubreidd. Nýja vélin leysir af eldri gerð af Pöttinger sláttuvél.
„Eins og sést á myndinni er Geirmundur líka mikill aðdáandi New Holland dráttarvéla sem hafa gert það virkilega gott hjá honum í áratugi,“ segir í annarri færslu á Facebooksíðu fyrirtækisins.
Fleiri fréttir
-
Sæluvikan sett á sunnudag í Safnahúsi Skagfirðinga
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.