Opinn fundur foreldra í Miðgarði í kvöld
Foreldrar barna á biðlista á leikskólanum Birkilundi hafa boðað til opins fundar í Menningarhúsinu Miðgarði í kvöld og hefst fundurinn hefst kl 20:30. „Skorum við sérstaklega á fulltrúa sveitarstjórna sem hafa með þessi mál að gera til að koma og svara þeim spurningum sem brenna á foreldrum,“ segir meðal annars í fréttatilkynningu.
Foreldrar hafa ritað opið bréf til Sveitarfélagsins Skagafjarðar og Akrahrepps, í Feyki og á Feyki.is, þar sem spurt er hvort eina lausnin sé að flytja burt.
Dagskrá fundar er:
- Bráðabirgðalausn vegna vöntunar á leikskólarýmum í vetur –
- Varanleg lausn á leikskólamálum í Varmahlíð, hvert er framhaldið? –
- Orðið er laust -
„Vonumst við, foreldrar, til að sjá sem flesta er málið varðar á fundi þessum og skorum við sérstaklega á fulltrúa sveitarstjórna sem hafa með þessi mál að gera til að koma og svara þeim spurningum sem brenna á foreldrum og öðrum sem málið varðar. Við trúum því að hægt sé að finna bráðabirgðalausn á vandanum svo að fólk geti stundað sína vinnu áfram vitandi að börnin þeirra eru í öruggum höndum,“ segir í fréttatilkynningu frá foreldrum.
Með vinsemd og virðingu,
Unnur Gottsveinsdóttir
Stefán Gísli Haraldsson
Anna Lilja Guðmundsdóttir
Finnur Sigurðarson
Aníta Ómarsdóttir
Sigurður Jóhannsson
Helga Rós Sigfúsdóttir
Sigurður Óli Ólafsson
Ólöf Ólafsdóttir
Stefán Halldór Magnússon
Kristín Halla Bergsdóttir
Guttormur Hrafn Stefánsson
Svana Ósk Rúnarsdóttir
Ástþór Örn Árnason
Fleiri fréttir
-
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira -
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira
