Öruggur sigur Stólanna í æfingaleik gegn Sköllum
Tindastóll og Skallagrímur mættust í laufléttum æfingaleik í Síkinu í gærkvöldi. Bæði lið voru í þörf fyrir að stilla strengina fyrir lokaumferðirnar í Dominos-deildinni en lið Tindastóls hefur, eins og minnst hefur verið á, ekki verið að fara á kostum að undanförnu. Borgnesinar eru aftur á móti í bullandi fallbaráttu. Leikurinn var ágæt skemmtun en lið Tindastóls vann ansi öruggan sigur, 73-64, þar sem Dino Butorac glansaði.
Stólarnir tefldu fram PJ Alawoya en það varð nú fljótt ljóst að kappinn var kannski ekki alveg upp á sitt allra besta, enda nýlega kominn til liðs við hópinn. Lið Tindastóls náði ágætu forskoti í byrjun, Danero með þrist og síðan setti Dino niður tvo þrista með skömmu millibili. Hann átti eftir að halda þeim leik áfram í fyrri hálfleik. Stólarnir komust í 11-2 en gestirnir minnkuðu muninn í 11-9 en það voru heimamenn sem kláruðu leikhlutann betur og staðan 22-11 að honum loknum. Þessi munur hélst að mestu í öðrum leikhluta og enn fór Dino á kostum, setti niður fjóra þrista og staðan í hálfleik 41-30.
Gestirnir ógnuðu ekki forskoti Stólanna að neinu ráði í síðari hálfleik. Israel Martin rúllaði mannskapnum ágætlega en munurinn yfirleitt 10-15 stig. Staðan að loknum þriðja leikhluta var 60-46 en mestur varð munurinn 23 stig í fjórða leikhluta. Skallagrímur gerði síðan ellefu síðustu stig leiksins þar sem Gabríel Máni sýndi fína takta og endaði stigahæstur gestanna með 15 stig. Í liði Tindastóls var Dino Butorac lang stigahæstur með 27 stig, þar af sjö þrista, en næstu honum var PJ Alawoya með 12 stig.
Um 250 manns mættu í Síkið til að berja liðin augum og skemmtu sér ágætlega. Leikurinn var kannski ekki þess eðlis að hægt sé að fullyrða um framfarir hjá Stólunum en menn virtust þó hafa gaman af því sem þeir voru að gera þó á köflum hafi verið augljóst að um æfingaleik var að ræða.
Fleiri fréttir
-
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.