Óvíst að Landsmót hestamanna 2016 verði á Vindheimamelum
Eins og fram hefur komið í fjölmiðlum í dag ríkir óvissa um að Landsmót hestamanna verði haldið á Vindheimamelum í Skagafirði árið 2016, þrátt fyrir að viljayfirlýsing þess efnis hafi verið undirrituð fyrr á þessu ári.
Var fulltrúum hestamannafélaganna í Skagafirði greint frá þessu á símafundi í fyrradag, en undirritun samnings hafði verið frestað í vor vegna anna við undirbúnings landsmótsins á Hellu. Að sögn Jónínu Stefánsdóttur, formanns hestamannafélagsins Stíganda í Skagafirði, komu þær hugmyndir að færa mótið á höfuðborgarsvæðið algjörlega aftan að mótshöldurum á Vindheimamelum.
„Við erum bara að kanna okkar leiðir, þetta kemur okkur náttúrulega óskaplega á óvart og okkur finnst þarna mjög illa vegið að okkur og landsbyggðinni. Við vorum með sölubás á Hellu, að beiðni formanns Landssambands hestamanna, þar sem við vorum að kynna landsmótið 2016,“ segir Jónína og bætir við að góðu heilli hafi ekki verið hafnar stórar framkvæmdir á mótssvæðinu.
„Ég get náttúrulega ekki svarað því að þessari stundu hvernig þetta fer,“ segir Jónína ennfremur og reiknar með að tekist verði á um málið á landsþingi hestamanna um helgina. Aðspurð segist um hún ekkert of bjartsýn á niðurstöðuna. „Ég er ekkert of bjartsýn, því miður. Það virðast bara vera einhver peningaöfl þarna fyrir sunnan sem geta keypt sér þennan rétt, það bendir allt til þess að það sé einhver sem stjórnar þarna á bakvið. Þetta er afskapalega ódrengilega unnið finnst mér og verið að sundra hestamönnum og landsbyggðinni frá þéttbýlinu. Þegar landssamtök vinna svona þá eru þau ekki landssamtök, það gefur auga leið.“
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
