Rausnarlegir Lionsmenn á Króknum
Gjafmildin var allsráðandi hjá félögum í Lionsklúbbi Sauðárkróks á fundi þeirra í gærkvöldi þegar afhentir voru þrír rausnarlegir styrkir til Heilbrigðisstofnunar Norðurlands, björgunarsveitanna í Skagafirði og Sóknarnefndar Sauðárkróks sem reyndist vera lokahnykkurinn í fjármögnun líkbíls fyrir kirkjusóknir héraðsins.
Fram kom á fundinum að Heilbrigðisstofnunin á Sauðárkróki hafi lengi notið góðs af gjafmildi Lionsklúbbsins, sem lítur svo á að stofnunin sé eitt af þeim verkefnum sem standi þeim næst. Í gær var stofnuninni afhent að gjöf CADD Solis v4.1 lyfjadælu ásamt fylgihlutum að verðmæti kr. 405.073,-
Björgunarsveitirnar í Skagafirði hafa fyrir löngu sýnt og sannað mikilvægi sitt í samfélaginu og fyrir það þökkuðu klúbbsmenn í gær með fjórum Tetra stöðvum ásamt fylgihlutum að verðmæti kr. 1.448.184.
Mynd að ofan: Þórarinn Þórðarson, fv. gjaldkeri klúbbsins og Þorsteinn Guðmundsson, fulltrúi björgunarsveitanna. Neðri mynd: Atli Hjartarson, formaður Lionsklúbbs Sauðarkróks, og Björn Björnsson, fulltrúi sóknarnefndar Sauðárkrókskirkju. Myndir: PF.
Með einnar milljón króna peningagjöf til Sóknarnefndar Sauðárkróks var vendipunktur markaður vegna kaupa á nýjum líkbíl sem nefndin hefur stefnt á frá árinu 2019. Bíllinn er væntanlegur til landsins seinni partinn í maí og vonir standa til að bíllinn verði kominn í notkun um miðjan ágúst eftir að innréttingar sem nauðsynlegar eru fyrir líkbíl verða frá.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.