Rjúpnaveiðitímabilið hefst á morgun
Rjúpnaveiðitímabilið hefst á morgun, föstudag. Fyrirkomulag rjúpnaveiða verður með sama sniði og verið hefur undanfarin þrjú ár. Veiðidagar verða tólf talsins sem skiptast á fjórar helgar á tímabilinu 28. október til 20. nóvember, þrír dagar í senn, föstudagur til sunnudags. Sölubann verður áfram á rjúpum. Veiðimenn eru hvattir til góðrar umgengni um landið. Víða hafa landeigendur bannað rjúpnaveiði.
Í nýjasta tölublaði Sjónhornsins er auglýst algjört bann við rjúpnaveiði í landi Vatnshlíðar á Vatnsskarði. Þá er auglýst að rjúpnaveiði sé bönnuð óviðkomandi mönnum í landi Kimbastaða og fylgir auglýsingunni lýsing á landamerkjum þar. Veiðileyfi á þetta land eru hins vegar seld á kr. 5000 á dag.
Í nýjasta tölublaði Gluggans auglýsa umráðamenn og landeigendur rjúpnaveiðibann í löndum sínum, meðal annars í landi Gautsdals og Merkur á Laxárdal og í landi Hvamms í Langadal. Öll rjúpnaveiði er bönnuð á Sauðadal nema með leyfi landeigenda. Þá er rjúpnaveiði bönnuð á Grímstungu- og Haukagilsheiðum nema með leyfi landeigenda.
Veiðimönnum stendur til boða að kaupa sérstakt veiðileyfi til rjúpnaveiða í eignarlöndum Húnaþings vestra. Um er að ræða tvennskonar leyfi sem gefin verða út á jafnmörg svæði. Á svæði eitt er eignarhlutur sveitarfélagsins í Víðidalstunguheiði ásamt jörðunum Króki, Stóru-Hlíð, Stóra-Hvarfi og Öxnatungu. Á svæði tvö er eignarhlutur sveitarfélagsins í Arnarvatnsheiði og Tvídægru. Fjöldi veiðimanna á veiðisvæðin er takmarkaður við fjórar byssur á hvert svæði á dag. Sjá má reglur Húnaþings vestra um rjúpnaveiðina hér.
Húnaþing vestra mun kæra veiðimenn án leyfis
Í Fréttablaðinu í dag er rætt við Guðnýju Hrund Karlsdóttur, sveitarstjóra Húnaþings vestra og segir hún að fyrirkomulag rjúpnaveiðinnar í ár sem í samræmi við útskurð forsætisráðuneytisins á dögunum sem bannar sölu á rjúpnaveiðileyfum í þjóðlendum í sveitarfélaginu. „Við bjóðum nú aðeins veiðileyfi á lönd í eigu sveitarfélagsins og undanskiljum þau almenningnum. Þetta er í samræmi við úrskurðinn. Allir með gilt veiðikort og skotvopnaleyfi geta keypt veiðileyfi hjá okkur og fá kort af svæðunum,“ segir Guðný Hrund í samtali við blaðið.
Guðný segir öllum heimilt að fara á þjóðlendur innan sveitarfélagsins en veiði á eignarlandi er háð leyfi. „Þeir veiðimenn sem munu veiða á okkar landareignum án leyfis verða kærðir umsvifalaust til lögreglu og gildir einu hvort þeir hafi veitt á svæðinu áður,“ segir Guðný Hrund ennfremur í samtali við Fréttablaðið. Sagt er frá þessu á vef Húnahornsins.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
