Saga Donnu Sheridan-Mamma mía á fjalir Bifrastar
Nemendafélag Fjölbrautaskóla Norðurlands vestra frumsýnir söngleikinn heimsfræga Mamma mía í Bifröst Sauðárkróki föstudaginn 22. nóvember nk. klukkan 20:00. Með hlutverk Donnu fer Rannveig Sigrún Stefánsdóttir, Helena Árnadóttir leikur Sophie og svo eru það pabbarnir, þeir Sam, Bill og Harry en með hlutverk þeirra fara Sæþór Már Hinriksson, Eysteinn Guðbrandsson og Ásbjörn Waage.
„Verkið er að hluta til byggt á þessari sögu og kvikmynd sem við þekkjum en þó er hér um nýja leikgerð að ræða. Leikverkið heitir: Saga Donnu Sheridan-Mamma mía og segir frá ástum og örlögum Donnu og svo Sophie dóttur hennar. Þarna er því sú þekkta, með þekktum lögum, sem við þekkjum en töluverðar breytingar gerðar sem við teljum til góðs. Svo er þarna fullt af frábærri tónlist sem bæði er acustic og af playback þannig að fjölbreytnin er mikil,“ segir Pétur Guðjónsson, leikstjóri.
Aðspurður um við hverju áhorfendur megi búast í Bifröst, segir Pétur: „Fallegri sýningu og mér sýnist stefna í að hún verði mjög vel leikin. Þau taka þessu svo alvarlega að útkoman hlýtur að verða góð. Það er fullt af fallegum atriðum en það er líka fjör og í gegnum þetta allt er sýningin bráðfyndin. Við erum ekkert að reyna að vera það, það bara gerist.“
Miðapantanir fara fram í síma: 455-8070 frá og með miðvikudeginum 20. nóvember. Hægt verður að panta frá 15:00-17:00 virka daga en 11:00-14:00 um helgar. Miðaverð er 2500,-
Sýningar verða:
Föstudagurinn 22 nóvember.
Frumsýning Kl: 20:00
Laugardagurinn 23 nóvember.
2 sýning. Kl: 20:00
3 sýning. Kl: 00:00 (MIÐNÆTURSÝNING)
Sunnudagurinn 24 nóvember
4 sýning. Kl: 16:00
5 sýning. Kl: 20:00
Þriðjudagurinn 26 nóvember
6 sýning. Kl: 19:00 (ÖRFÁ SÆTI)
Miðvikudagurinn 27 nóvember
7. Sýning. Kl: 20:00
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.