Sex héraðsdýralæknar ráðnir til starfa hjá Matvælastofnun
Gengið hefur verið frá ráðningu í allar sex stöður héraðsdýralækna sem verða til með breyttri umdæmaskipan frá og með 1. nóvember nk. Egill Þorri Steingrímsson verður Héraðsdýralæknir í Norðvesturumdæmi, en hann hefur gegnt stöðu héraðsdýralæknis í Austur-Húnaþingsumdæmi.
Breytingar eru gerðar með það að markmiði að koma í veg fyrir hugsanlega hagsmunaárekstra með því að aðskilja opinbert eftirlit héraðsdýralækna frá almennri dýralæknaþjónustu og um leið mun hið opinbera veita stuðning til dýralækna sem starfa munu við dýralæknaþjónustu í hinum dreifðari byggðum.
Birt hefur verið reglugerð nr. 846/2011 um dýralæknaþjónustu í dreifðum byggðum en henni er ætlað að tryggja dýraeigendum nauðsynlega almenna dýralæknaþjónustu og bráðaþjónustu við dýr á landsvæðum þar sem fjöldi dýra er takmarkaður og/eða verkefni dýralækna eru af skornum skammti. Samkvæmt reglugerðinni getur Matvælastofnun gert þjónustusamning við sjálfstætt starfandi dýralækna, sem munu þá hafa starfsstöð og sinna dýralæknaþjónustu á tilteknum þjónustusvæðum, sem tilgreind eru í reglugerðinni.
•Héraðsdýralæknir í Suðvesturumdæmi verður Gunnar Örn Guðmundsson en hann hefur gegnt stöðu héraðsdýralæknis í Gullbringu- og Kjósarumdæmi.
•Héraðsdýralæknir í Vesturumdæmi verður Flora-Josephine Hagen Liste, en hún hefur ásamt Hjalta Viðarsyni gegnt starfi héraðsdýralæknis í Dalaumdæmi.
•Héraðsdýralæknir í Norðvesturumdæmi verður Egill Þorri Steingrímsson, en hann hefur gegnt stöðu héraðsdýralæknis í Austur-Húnaþingsumdæmi.
•Héraðsdýralæknir í Norðausturumdæmi verður Ólafur Jónsson, en hann hefur gegnt stöðu héraðsdýralæknis í Skagafjarðar- og Eyjafjarðarumdæmi.
•Héraðsdýralæknir í Austurumdæmi verður Hjörtur Magnason, en hann hefur gegnt stöðu héraðsdýralæknis í Austurlandsumdæmi nyrðra.
•Héraðsdýralæknir í Suðurumdæmi verður Gunnar Þorkelsson, hann hefur gegnt stöðu héraðsdýralæknis í Vestur-Skaftafellsumdæmi.
Fleiri fréttir
-
Gamall refur gerði Stólunum grikk
feykir.is Skagafjörður, Íþróttir, Lokað efni 13.07.2025 kl. 22.56Stólarnir fóru helst til þunnskipaðir austur á Höfn um helgina og léku við lið Sindra. Stólarnir voru fyrir leikinn í sjötta sæti en Hornfirðingar í níunda sæti. Staða liðanna breyttist ekki en þau gerðu 2-2 jafntefli þar sem gamall markarefur og fyrrum leikmaður Tindastóls jafnaði metin á lokakaflanum.Meira -
Þrjú stig sótt á Seltjarnarnesið
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.07.2025 kl. 18.54Eftir þrjá svekkjandi tapleiki í röð gerðu liðsmenn Kormáks/Hvatar góða ferð suður á Seltjarnarnes og að leik loknum var risið á heimamönnum bæði lítið og lágt. Gestirnir áttu góðan leik í fyrri hálfleik og leiddu 1-2 ú hálfleik og í síðari hálfleik var varist með kjafti og klóm og þó Gróttverjar gerðu sitt besta til að jafna þá tókst það ekki. Lokatölur 1-2 og mikilvæg þrjú stig í hús.Meira -
Gott teppi og kaffibolli best með bóklestri
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 13.07.2025 kl. 13.05Feykir plataði Maríu Rut Kristinsdóttur, þingmann Viðreisnar í Norðvesturkjördæmi, til að svara Bók-haldinu í miðju svokölluðu málþófi stjórnarandstöðunnar vegna veiðigjaldsins í upphafi síðustu viku. Vonandi var þetta bara skemmtilegt uppbrot á löngum degi í þinginu. María Rut fæddist árið 1989, er alin upp á Flateyri við Önundarfjörð en er búsett í Reykjavík.Meira -
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira
