Sjón að sjá þegar Silfrastaðakirkju var rennt út á Krók
Það hefur legið fyrir í talsverðan tíma að Silfrastaðakirkja í Blönduhlíð í Skagafirði þyrfti á nauðsynlegri yfirhalningu að halda. Fyrir nokkru var kirkjuturninn fjarlægður og í gær var kirkjan tekin af grunni sínum, hífð upp á vörubílspall og keyrð út á Krók til viðgerðar á Trésmiðjunni Ýr. Samkvæmt heimildum Feykis er reiknað með að viðgerðin geti tekið fjögur ár en kirkjan er 125 ára gömul í ár og ansi lúin.
Það var ekki hlaupið að því að koma kirkjunni upp á pall, þurfti talsverða útsjónarsemi til við verkið en nokkra tíma tók að ná góðu taki á kirkjunni áður en stóreflis byggingakrani hífði hana á bílinn. Það voru Einar Halldórsson og starfsmenn á Ýr sem stóðu að flutningunum ásamt starfsmönnum hjá verktakafyrirtækinu Þ. Hansen ehf. Kirkjunni var síðan ekið út Blönduhlíðina, vestur yfir Hegranes og að verkstæði Ýrara á Sauðárkróki. Einbreiðar brýr á leiðinni reyndust hindrun en ekkert fékk stöðvað ferðalag Silfrastaðakirkju sem endaði um kvöldmatarleytið.
Í frétt á mbl.is má finna eftirfarandi lýsingu á kirkjunni sérstöku: „Silfrastaðakirkja var byggð árið 1896 og hefur sett sterkan svip á umhverfi sitt, undir háum fjöllum. Hefur hvílt á eins konar grjótpúða á jörðinni og er fótstykki orðið mjög fúið. Þá er gólfið sigið. Þetta er meðal þess sem starfsmenn í Trésmiðjunni Ýri á Sauðárkróki munu bæta. Nokkrir mánuðir eru frá því turnspíra kirkjunnar var tekin ofan og farið með hana í viðgerð. Að grunnformi er Silfrastaðakirkja áttstrend, 6,5 m að þvermáli en hliðar 2,70 m að lengd. Þakið er krossreist upp af hliðarveggjum og tengt stöpli. Kirkjan er klædd sléttu járni. Á sex hliðum eru bogadregnir steypujárnsgluggar.“
Hér að neðan gefur að lýta nokkrar prýðilegar ljósmyndir frá flutningunum. Ferköntuðu myndirnar sendi Drífa Árnadóttir Feyki en aðrar myndir tók Jón Arnar Pétursson.
Fleiri fréttir
-
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira -
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira -
Vel heppnuð námsferð stúdenta í iðnaðar- og orkutæknifræði á Sauðárkrók
feykir.is Skagafjörður 14.05.2025 kl. 13.17Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.Meira
