Smuga á Ytri-Hofdölum í Skagafirði mjólkaði mest á síðasta ári
Niðurstöður skýrsluhaldsins í nautgriparæktinni fyrir árið 2020, bæði í mjólkur- og kjötframleiðslunni hafa nú verið reiknaðar og birtar á vef Ráðgjafamiðstöðvar landbúnaðarins. Nythæsta kýrin á landinu síðasta árs reyndist vera Smuga á Ytri-Hofdölum í Viðvíkursveit í Skagafirði en hún mjólkaði alls 14.565 kg með 4,89% fitu og 3,34% próteini. Í samantekt skýrslu RLM segir að burðartími Smugu hafi fallið ágætlega að almanaksárinu en hún bar sínum sjötta kálfi 3. nóvember 2019.
Hæsta dagsnyt kýrinnar á nýliðnu ári var 52 kg og var hún í yfir 40 kg dagsnyt fram á sumar eða til loka júnímánaðar. Smuga er fædd á Skúfsstöðum í Hjaltadal í maí 2011 en var keypt að Ytri-Hofdölum rétt fyrir sinn fyrsta burð, 3. ágúst 2013. Skráðar æviafurðir hennar voru 67.865 kg um síðustu áramót en á yfirstandandi mjólkurskeiði er hún komin í 17.322 kg mjólkur.
Halldór Jónasson bóndi á Ytri-Hofdölum og eigandi kýrinnar segir hana hafa ætið verið hrausta og geðgóða og eigi það sinn þátt í árangrinum. „Hún ber í nóvember 2019 en það kemst ekki kálfur í hana fyrr en seint. Hún á ekki að bera aftur fyrr en í júlí í sumar, hún tekur sér þarna dálítinn tíma. Það var svo vont að koma kálfi í hana. Það er nú aðal skýringin á þessu mikla magni sem hún mjólkar,“ segir Halldór.
Á Ytri- Hofdölum er básafjós og brautakerfi og segir Halldór fjölda kúa yfirleitt vera um 30. „Þetta er bara kotbúskapur í dag miðað við þessa stóru,“ segir hann og hlær en það hefur gengið vel og auðvitað hafi hann hugsað út í að breyta í róbótafjós. „Það kemur sjálfsagt að því að maður verði að gera eitthvað,“ segir hann. Hann segir að básafjós séu enn í gildi og verði það næstu árin en fara þurfi eftir settum reglum.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
