Staða skólastjóra Varmahlíðarskóla er laus til umsóknar
Staða skólastjóra við Varmahlíðarskóla í Skagafirði er laus til umsóknar. Leitað er að öflugum og framsýnum leiðtoga sem er tilbúinn til að leiða þróttmikið skólastarf og taka þátt í eflingu skólasamfélagsins í héraðinu.
Starfssvið:
- Ábyrgð á rekstri skólans og daglegri starfsemi.
- Fagleg forysta á sviði kennslu og þróunar í skólastarfi.
- Ábyrgð á samstarfi við heimili og samfélag.
Menntunar- og hæfniskröfur:
- Umsækjandi skal hafa starfsheitið grunnskólakennari og viðbótarmenntun í stjórnun eða kennslureynslu á grunnskólastigi sbr. 12. grein laga nr. 87/2008.
- Reynsla af rekstri, stjórnun og þróunarstarfi.
- Hæfni í mannlegum samskiptum.
- Metnaður, skipulagshæfni og leiðtogahæfileikar.
Leitað er að einstaklingi sem hefur skýra sýn í skólamálum, er metnaðarfullur, skapandi og áhugasamur um nærsamfélagið. Skólastjóri skal vera reiðubúinn að leita nýrra leiða í skólastarfi. Hann starfar í nánu samstarfi við sviðstjóra og aðra stjórnendur á fjölskyldusiði og tekur þátt í verkefnum sem snúa að þróun í skólamálum í Skagafirði. Æskilegt er að skólastjóri hafi búsetu í Varmahlíð eða nágrenni. Staðan er laus frá 1. ágúst nk. Æskilegt er að umsækjandi geti hafið störf fyrr. Launakjör eru samkvæmt samningi LN og KÍ.
Umsóknarfrestur er til 19.júní nk.
Nánari upplýsingar veitir Herdís Á. Sæmundsdóttir sviðstjóri fjölskyldusviðs í síma 455 6000 og á netfanginu has@skagafjordur.is. Umsóknir má senda rafrænt á fyrrgreint netfang eða skila í Ráðhúsið á Sauðárkróki í umslagi merktu : „Umsókn um starf skólastjóra“. Umsóknum skal fylgja greinargott yfirlit yfir nám og störf, leyfisbréf til kennslu, upplýsingar um frumkvæði á sviði fræðslumála, ábendingar um meðmælendur sem og almennar upplýsingar um viðkomandi. Skagafjörður.is segir frá þessu.
Fleiri fréttir
-
Njarðvíkingar mæta í Síkið í kvöld
feykir.is Skagafjörður, Íþróttir, Lokað efni 23.01.2026 kl. 15.04Stólarnir spretta úr spori á ný í Bónus deild karla í kvöld þegar þeir fá lið Njarðvíkur í heimsókn í Síkið. Tindastóll er í öðru sæti deildarinnar með 20 stig að loknum þrettán leikjum en lið Stjörnunnar og Vals eru einnig með 20 stig en hafa leikið einum leik meira en Stólarnir. Grindvíkingar eru sem fyrr á toppnum, hafa aðeins tapað einum leik í deildinni í vetur. Leikurinn hefst kl. 19:00 og varningur og hamborgarar að sjálfsögðu í boði.Meira -
Krafist verulegrar endurskoðunar á frumvarpi um sjókvíaeldi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.01.2026 kl. 11.00Landssamband veiðifélaga hélt fjölmennan fund föstudaginn 16. janúar vegna frumvarps til laga um lagareldi, svokallað sjókvíaeldi, sem nú er til umsagnar í samráðsgátt stjórnvalda. Fundinn sóttu formenn og félagsmenn veiðifélaga víðs vegar að af landinu.Meira -
Nú er færi á jákvæðum breytingum í Skagafirði
feykir.is Skagafjörður, Aðsendar greinar 23.01.2026 kl. 08.43Miðflokkurinn heldur opinn fund með Sigmundi Davíð, Snorra Mássyni og Ingibjörgu Davíðsdóttur sunnudaginn 25. janúar í Ljósheimum. Fundurinn hefst kl. 14:00 þar sem fundarmönnum gefst færi á að ræða lands- og sveitarstjórnarmál við þingmennina. Framundan eru sveitarstjórnarkosningar og hefur flokkurinn verið hvattur til að bjóða fram í Skagafirði.Meira -
Hættum að tala niður til barna og ungmenna | Ómar Bragi Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.01.2026 kl. 08.26Mikið afskaplega er ég orðinn þreyttur á umræðunni og stórum fyrirsögnum um hvað börn og ungmenni eru vonlaus, og þá sérstaklega drengir. Kunna ekkert, geta ekkert og verða ekkert.Meira -
Er Jörðin að mótmæla fyrirhugaðri línu Landsnets?
feykir.is Vestur-Húnavatnssýsla, Lokað efni 22.01.2026 kl. 14.11Mbl.is segir frá því að fjórir jarðskjálftar hafi mælst undir Víðidalstunguheiði í Vestur-Húnavatnssýslu í gær en stærsti skjálftinn mældist 2,1 stig. „Þetta er ekkert rosalega algeng staðsetning,” er haft eftir Bjarka Kaldalóns Friis, náttúruvársérfræðingi á Veðurstofu Íslands. Hann segir að fjórir skjálftar hafi orðið á sama svæði í maí í fyrra og mældist sá stærsti 1,8 stig.Meira
