Svæðisleiðsögunám á Norðurlandi
Símenntun Háskólans á Akureyri býður upp á Svæðisleiðsögunám á Norðurlandi í samvinnu við Leiðsöguskólann í MK og SBA- Norðurleið. Námið er alls 22 einingar og fer kennsla fram við Háskólann á Akureyri.
Námið verður einnig í boði í fjarkennslu á starfssvæði Þekkingarnets Þingeyinga og Farskólans-miðstöð símenntunar á Norðurlandi vestra .
Leiðsögunám miðar að því að þjálfa færni og hæfni nemenda til þess að standast kröfur ferðaþjónustunnar hverju sinni um áreiðanleika og fagleg vinnubrögð. Þetta nám á að veita nemendum sérmenntun á sviði svæðisleiðsagnar um Norðurland.
Svæðisleiðsögunámið er fjölbreytt. Fjallað er um jarðfræði Íslands, sögu, menningu, gróður, dýralíf, atvinnuvegi, íslenskt samfélag, bókmenntir og listir. Nemendur eru fræddir um helstu ferðamannastaði á Norðurlandi, ferðamannaleiðir og leiðsögutækni.
Að náminu koma fjölmargir kennara, bæði á háskólastigi og framhaldskólastigi, ásamt leiðsögumönnum, ferðaþjónustuaðilum og fagfólki.
Skipulag náms
Markmið leiðsögunáms er að búa nemendur undir það að fylgja ferðamönnum um Norðurland. Námið er 22. einingar og skiptist niður á tvær annir, vorönn og haustönn 2011. Áætlað er að kennsla hefjist um miðjan febrúar og ljúki í byrjun desember 2011. Gerð er ráð fyrir að kennsla fari fram einn seinnipart í hverri viku, þriðjudagar frá kl 16:30 til 21:10 eða 21:50. Farnar verða u.þ.b 5- 6 vettvangsferðir á hvorri önn, oftast á laugardögum.
Námsmat
Námið byggir á námskrá fyrir leiðsögunám sem gefin var út af Menntamálaráðuneytinu árið 2004. Námsmatið byggir á skriflegum og/eða munnlegum verkefnum og prófum. Nemendur þurfa að fá a.m.k. sjö af tíu í einkunn í öllum greinum. Gert er ráð fyrir að nemendur mæti í allar vettvangs- og æfingaferðir.
Inntökuskilyrði
Umsækjendur þurfa að vera orðnir 21. árs við upphaf námsins. Þeir skulu hafa stúdentspróf eða sambærilegt nám, ásamt því að hafa mjög gott vald á einu erlendu tungumáli og íslensku. Nemendur þurfa að standast munnlegt inntökupróf í því tungumáli sem þeir hyggjast leiðsegja á. Nemendur gangast undir inntökupróf í einu erlendu tungumáli, og íslensku ef ástæða þykir til. Áætlað er að inntökupróf fari fram síðustu vikuna í janúar. Vakin er sérstök athygli á því að leiðsögumenn með réttindi geta setið staka áfanga í náminu. Að námi loknu fá nemendur réttindi til að starfa sem svæðisleiðsögumenn á Norðurlandi.
Fleiri fréttir
-
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík við Hvammstanga og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira
