Sveinbjörg ráðin atvinnuráðgjafi hjá SSNV
SSNV hefur ráðið Sveinbjörgu Rut Pétursdóttur í starf atvinnuráðgjafa og tekur hún við starfi Gudrunar Kloes, sem lætur af störfum 1. desember nk. Norðanátt.is greinir frá þessu.
Sveinbjörg er viðskiptafræðingur frá Bifröst og hefur lokið meistaranámi í alþjóðaviðskiptum frá Háskólanum í Reykjavík. Hún hefur verið búsett í Stavanger í Noregi frá febrúar 2012. Þar starfaði hún sem „project controller“, sem hún segir vera eins konar verkefna-fjármálastjóra.
„Fyrirtækið sem ég vann hjá er með samninga við nokkur fyrirtæki í olíuiðnaðinum og mitt hlutverk var að halda utan um kostnað og tekjur nokkurra verkefna, ásamt því að útbúa reikningsforsendur og gefa út reikninga til viðskiptavina fyrirtækisins,“ segir Sveinbjörg í samtali við Norðanátt.is.
Það leggst vel í Sveinbjörgu að flytja aftur til Íslands, og það heim á Hvammstanga. „Ég er gríðarlega spennt, verður gott að komast heim og upplifa smá vetur eftir þennan tíma hérna úti. Held að það geti nánast allir brottfluttir Húnvetningar verið sammála um það að það sé alltaf gott að komast heim.“ Hún segist nú þegar vera með eitthvað af hugmyndum í kollinum sem gætu nýst í starfinu. „Þetta er virkilega áhugaverð staða sem ég hlakka mikið til að takast á við.“
Sveinbjörg hefur störf 1. nóvember nk.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
